«لاپ او اوزاق­لاردا» کیتابیندا گئدن بیر اؤیکونون یئنیدن اوخونوشو؛

قورولوش اوزره قورولان اؤیکو

شریف مردی

 

نقد و بررسی مجموعه داستان

 دیل و روایت باخیمیندان "رضا کاظمی"نین "شکَری چوخدو بو قهوه‌نین" اؤیکوسونه یاناشساق، گؤزه چارپان بیر نئچه نؤقطه ‌ایله راستلاشاریق. بو یازیدا، آماجیم اونلارین وورغولاماسی­یلا آچیقلاماسی اولاجاق­دیر. بوردا گئدن باخیش­لاریمی دا,"محمد غفاری" اونو "زبان‌شناسی و رُمان" آدی­یلا فارسجایا چئویرمیشRoger Fowlerـین Linguistics and the Novel آدلی کیتابیندان آلمیشام. (1)

یازیمدا دؤنه دؤنه اؤیکونون بعضی جومله‌لرینه قاییتدیغیما گؤره، او جومله­لری ـ آشاغیداکی کیمی ـ نؤمره ایله تانیتدیرماق ایستَردیم:

1 : کیشی قولاغینی اونون قارنینا دایادی. 2 : ـ «آغریسی زادی یوخدور؟» 3 : او، اَیلشدییی یئرده. 4 : گؤزونو زیلله‌میشدی تلویزیونا. 5 : ـ «نوچ!» 6 : «گرَک مطبده قالیردیق»، کیشی دئدی. 7 : باشینی اَیدی آشاغا. 8 : کیشی‌نین اوزونده­کی ایکی گونلوک توک­لری، قارنی­نین دَری­سینه سورتولوردو. 9 : اورتا بارماغی ایسه گؤبه­یینی قوردالاییردی. 10 : سول اَلی بئلینده گزیردی. 11 : کؤینه­یینی چکدی آشاغا. 12 : اری­نین باشی اونون کؤینه­یی آلتیندا قالدی. 13 : شیشمان قارین دئدی. 14: ـ «قور قور سسی گلیر بوردان!» ...