بیزیم اؤیکو 49. (من و او گونلر، سعید فیوضات)

مین بیر گئجه: سعید فیوضات (اردبیل، 1349). تقریبن یوز ایل بوندان قاباق، اولو باباسی رحمتلیک "میرزه یوسوف"، رحمت­لیک "تربیت" ایله بیرگه اردبیلین ایلک مدرسه­­لریندن بیری­نین تَمل داشینی قویور. اؤزو دئمیشکن یئددی آرخاسی معللیم ایمیش. تبریز دانیشگاهیندا مکانیک اوزره مهندسی­ اوخویوب، اردبیلین لاپ آدلی - سانلی ارشد مهندس­لریندن ساییلیر. 1365- جي ايلدن بَری شعر يازسا دا، اؤیکو یازماغی آنجاق تزه باشلاییب­دیر. بيرينجي کیتابی، 1392 ـده یاییملانمیش «اونوتما مني» آدلی شعر توپلوسودور. «من و او گونلر» ایلک دؤنه اولاراق، "مین بیر گئجه"دن یاییملانیر.  

^***

من و او گون­لر

سعید فیوضات

 

«"گئن­گونبَز¹ "ین باجاسیندا بیریسینی گؤردوم. قولاق­لارینی شَکله­میشدی، ائشیتدییینی یازیردی... »

بیریسی قاباغیمی کسدی. پیچاغی چیخاردیب  منه وئرمک ایسته­دی. باخدیقجا لاپ آوارا قالدیم. آغزیم آچیق قالدی. پیچاغی آلماق ایسته­مه­دیم. گولومسوندو. نَدی، اؤلومه یئریکله­یَن من ایدیم؟ تئز اول آل اَلینه پیچاغی. هئچ اینانا بیلمه­دیم. اؤلومه یئریکله­دیییم چاغ­لاردان چوخ کئچمیشدی. او گئجیکمیشدی. حالیم هئچ دئمه­یه گلمز ایدی. دئدی: نه­یه باخیرسان؟ ائله بیلیرسن یوخوداسان؟ دئدیم: یوخودا اولاندا دا بئله ایش­لر باشیما گلیب. سونرا قیشقیردیم. آخی بئله یوخولاردا قیشقیراندا، سَسیم باتیردی. تَرپشه بیلمیردیم. زوران - گوجَن اَلیمی اوزادیردیم. آمما بو دؤنه سَسیم بوغازیمدا بوغولمادی، هئچ، لاپ کوچه­نی دولدوردو. بو دؤنه، نه اؤزومو یوخولو سانا بیلیردیم، نه ده اؤزومو او یولا وورا بیلیردیم. هله اینتحار قدَر بؤیومه­میشدیم. هر دن، بیر ناغیلی قوراشدیرمیشدیم. نه بیلیم داوا یئدیم اولمادی. مریض­خانادا منی قورتاردیلار... یوخسا بئلنچی سؤزلر.

ادامه نوشته

بیزیم اؤیکو 48 (قیزیل آتیم، الف. نورانلی)

مین بیر گئجه: "الف. نورانلی" (اردبیل، 1364 _ 1314) را می­توان به تعبیری نخستین داستان­نویس اردبیلی به حساب آورد که از اوخر دهه­ چهل به این سو به صورت پراکنده در انزوای کُنج خانه­اش می­نوشته است. در دوران "محمدرضا پهلوی" آثار ایشان مجال انتشار نیافت و پس از پیروزی انقلاب اسلامی نیز (به غیر از یکی دو داستان که به صورت متفرقه و در بولتن­ یکی از انجمن­های ادبی تهران چاپ شد)، به سبب مشغله­های کاری وی همچنان در آرشیو شخصی­اش باقی ماند و متاسفانه مرگ نابهنگامش به دلیل عارضه قلبی در سال یکهزار و سیصد و شصت و چهار، نام و آثار ایشان کماکان برای مخاطبان داستان­نویسی ما ناشناخته ماند. تاکید می­نمایم که زبان داستانی الف. نورانلی (علیرغم آثار برخی از نویسندگان نسل جوان ما که گاه به دنبال کلمات بغرنج، نامانوس و به عاریت گرفته شده از آن سوی مرزها هستند)، متاثر از زبان عامه مردم شهر خویش ـ دارالارشاد اردبیل ـ می­باشد و از این نظر (و نیز از آن بابت که بر قدمت تاریخچه داستان­نویسی شهرمان می­افزاید) نمونه خوبی برای داستان­نویسا­ن­مان محسوب می­شود. امیدوارم با همت یکی از نزدیک­ترین دوستان وی، یعنی استاد  "فرهاد ابراهیمی" (سراینده ترانه افسانه­ای "آیریلیق") که نزدیک به سی سال داستان­های او را چون امانتی گران­سنگ نزد خود نگاه داشته بود، به زودی شاهد چاپ مجموعه داستان این نویسنده نیز باشیم... و "قیزیل آتیم " یکی از این داستان­هاست. (داستان و عکس برای نخستین بار ـ از "مین بیر گئجه" ـ منتشر میشود.)

  (خبرگزاری مهر: گمنامی اولین داستان نویس اردبیل/ "الف. نورانلی" راوی رازهای زندگی... )

***

 

 

قیزیل آتیم

الف. نورانلی

 جَمده­ییندن آخان تَر، یول اوزونوندن بورویَن توزلا قاتیشیب بوکوک­لرینده یاپیشقانلیق تؤرَتمیشدی. یوکون حددن آرتیق آغیرلیغی، زامان بویو یاشاییش آدینا دَییرمان باشیندا دارتدیغی دَن­لرین قات­قات جانیندا توپلادیغی یورغونلوق­لار، یایین بوغاناق هاواسییلا اَل بیر اولوب آمان­سیز هجوما باشلامیشدیلار. هاماردان قورخموردو، جانینی دیشینه آلیب سورونه بیلَردی، لاکین اوزاق­لاردا گؤرونَن یوققوش قیییق کیمی سانجیلمیشدی گؤزونه. گونش پول ­تکین ساجا چئوریلیب گلیب دیک قونموشدو آلنینا، شیرپاناقلی گؤزلرینی قوجاقلایان ایرین­لر، پؤهره وئرن میلچک­لره گَل – گَل دئییردی.

دَییرمان آرخینا یئتیشدی. ایل­لردن بَری وَریانی ییخیلان آرخین آخار سویو قوروسایدی دا، یاتاغی لؤهمه­لی گؤلمه­چه­لرله دولویدو. آغزینا آلدیغی قوخولو سویو اودا بیلمه­ییب جَیَنگ­لریندن سوزولوب اَپریمیش چیم­لرین اوسته تؤکولدو. ...

 

ادامه نوشته

بیزیم اؤیکو 47. (یول یولداشی، فرانک انصاری)

مین بیر گئجه: فرانک انصاری اؤیکو یازماقلا یاناشی، هر دن قورآن ناغیل­لارینی دا ساده بیر دیلده یازیب کارگاهدا اوخویار. (اؤیکو: داستان کوتاه آنلامیندا، ناغیل: قصه معناسیندا.) او اردبیلده معلم کیمی ایشله­ییر...

***

 

یول یولداشی

فرانک انصاری

 

رحمتلیک ننه­م دئییردی یول یولداشی اولماق چتین­دی، هر آدامین ایشی دئییل. یازیق آرواد دوز دئییرمیش، اوندا من باشا دوشموردوم.

ایندی­نین سؤزو دئییل، نئچه ایلدن سونرا قبول ائله من­نن یولا گلمه­ییب­سن! گَلدییین واخت هله منیم چوخ ایشیم وار ایدی گؤرمه­یه. او بیری اوشاق­لار کیمی عراقلی­لارین دَده­سینی یاندیرماق ایسته­ییردیم؛ آنجاق سنین پیس واختدا گلمه­یین هر نه­یی کورلادی. بلکه ده  گلمه­یین اؤز الینده دئییلدی، گئتمه­یین نئجه؟ او کی اؤز الینده ایدی. اوندا نییه یئرینی بَرکیدیب  قالدین؟ دوکتورلر دئدیلر خطری وار، اؤزون نئجه؟ ایسته­سه­یدین ائله­یه بیلردین. دوز دئییرم یا یوخ...

گؤردویون ایش­لرین منه گؤره اولدوغونا اینانمیرام. منه گؤره اولسایدی، ایندی­یه چوخدان منی اؤزوینن آپارمیشدین او دونیایا. ایندی قالیبسان بوغازیمدا، نه آتا بیلیرم، نه اودا بیلیرم. آللاها ناشوکور بنده دئییلم، آنجاق بورا گَلندن بَری گونده اؤز - اؤزومه دئییرم: بو یولداشی منه وئرمکدن اؤترو، بو گونه قالمیشام ها؟!

الینی قویدو بوینونون دالینا، اؤوکه­لدی. سونرا دونوخدو الینده­کی قدیمی شکیله. بیر عکسه باخ گؤر همن آدامام؟ اوندا شیر تکین ایدیم. جبهه­دن گلنده ننه­م بیر توربا اوزَرلیک یاندیراردی. دئییردی: بالا! گؤز دَیر. ...

ادامه نوشته

بیزیم اؤیکو 46. (بو ائودن هیس اییسی گلیر، پریسا میرزایی ماهر)

مین بیر گئجه: پریسا میرزایی ماهر فارس ادبیاتیندا لیسانس آلیب­دیر. اؤیکو یازماغا تزه باشلاسا دا، صمیمی یازماغی یاخشی باجاریر. آشاغیداکی اؤیکو اونون ایلکین حیکایه­لریندن بیری­دیر.

***

 

بو ائودن هیس اییسی گلیر

پریسا میرزایی ماهر

 

تنگه­نی دؤنوب دایانیرام قاپی­نین دالیندا. هیس اییسی گلیر... چوروموش قاپینی ایته­له­ییب حیطه کئچیرم. هر یئر سس­سیز – سمیرسیز.

 آغاج­لارین یئلده ترپنمه­سینه باخیرام... گیردکان آغاجی قورویوب آلما آغاج­لاری سینیب، آلچا آغاج­لاری آنجاق هله آیاق اوسته. حیط اورتاسینداکی یئکه حوضون رنگی گئدیب بؤیرو چارتلاییب.

سارماشیق­لار دولاشیب بوتون قیزیل گول­لره... اوزوم آغاج­لارینا...

پیلله­لری چیخیرام. تندیرین یاخینلیغیندا ایله­شیرم، اوچموش دیوارلارا باخیرام، تندیرین ایچینده­کی تیکه پارا کوللنمیش اودون­لارا...

ادامه نوشته

بیزیم اؤیکو 45. ب. (بیزیم تنگه، علی بخش پور)

مین بیر گئجه: علی بخش­پور (اردبیل، 1355). سناریو یازماقلا یاناشی اؤیکو ده یازار. سناریولاری آیری – آیری بین­الملل فیلم فئستیوال­لاریندا اؤدول­لر (جایزه­لر) قازانمیش، آلقیش­لارا لاییق گؤرونموش­دور. اونون «کسی آنجا نیست و چند فیلمنامه دیگر» باشلیقلی سناریو توپلوسو کئچن ایل کیتاب بازارینا گلدی.

***

 

بیزیم تنگه

علی بخش­پور

ائویمیزین دار تنگه­ده اولدوغونو، یا دا دار تنگه­نین ائویمیزده اولدوغونا دوشونورم. بیلدیییم تک شئی، یازینی دار تنگه­دن باشلاماقدی. بیزیم تنگه­دن تکجه بیر نفر سوووشا بیلیر و ایکینجی نفر قاباقدان گلسه، بیری او بیری سوووشسون دئیه دالی قاییتمالیدی. تنگه­نین ایکی طرفینده­کی دیوارلاری اوجادیر. هامی­نین قاپیسی دا چؤله آچیلیر. هر بیر قاپی­نین آچیلدیغیندا، کوچه باغلانیر. قونشولارین او دار تنگه­دن بیرلیکده کئچمه­ک­لرینی ایندی­یه­جک گؤرمه­میشم. کوچه­دن کئچدیک­لری زامان بیر بیرلری­یله چییین- چییینه دَیمک­لری، اونلارین بؤیوک قورخولاریندان بیری­دیر...

ادامه نوشته

بیزیم اؤیکو 45. الف (بی دست و پا، الهام سید حسینی)

مین بیر گئجه: الهام سید حسینی (اردبیل، 1355). در رشته مامایی فارغ­التحصیل شده و با همین تخصص نیز در شهر اردبیل مشغول به کار است. رمان "جای خالی هیجان" نخستین اثر چاپ شده وی می­باشد. داستان زیر توسط نویسنده در کارگاه داستان­خوانی حوزه هنری استان قرائت ـ 1392.4.31 ـ و مورد نقد و بررسی دوستان اهل قلم قرار گرفت.

 

***

 

    

بی دست و پا

الهام سید حسینی

 

بازوان ساعت با هم زاویه نود درجه ساخته بودند، بازوی بزرگ عدد یازده را نشانه رفته بود و بازوی کوچک­تر کمی مانده به دو از نفس افتاده بود. خوردن قهوه می­چسبید. فنجانی درست کرد و پشت میز نشست. مدادها را تراشید و آنها را به ترتیب اندازه مقابل خود چید. صفحات سفید کاغذ را از نو مرتب کرد. دستش به آرامی روی مدادها لغزید و بزرگ­ترین آنها را برگزید، اولین کلمه را روی کاغذ نوشت؛ زن. کلمه را خط زد و نوشت خانم دال، ابتدا دال و بعد خانم را خط زد. فکری کرد و نوشت زائو، زیادی صریح بود. ترکیب زن باردار را سیاه کرد. نوشت مادر جوان، از ترکیب خوشش آمد، چند بار زیر لب تکرار کرد؛ مادرجوان، جوان را حذف کرد... مادر ... دوباره جوان را جلوی نام مادر نشاند.«مادر جوان»

قهوه داغ  لبش را سوزاند ... 

ادامه نوشته

بیزیم اؤیکو 44. ب. (اوزونه تؤکولن ساچ، عادل قلیپور)

اوزونه تؤکولن ساچ

عادل قلی­پور

 

بو اوزون ساچلی قیزین نه چیینینده کوزه وار، نه اَلینده سو. آنجاق گؤزلرینه سورمه چکیب، دالیندا دا بیر بولاق آخیتدیریب. اوز - ‌اوزه، قونشو پنجره‌دن گلن موسیقی‌ سَسی­نین قیزینی، بومدا چکه بیلرم. بو نئچه آیدا، خیابان­لاردا قیزدان چکدیییم شکیل‌لرین هئچ بیرینه اوخشار بیر کس گؤرمه‌دییمدن سئوینیرم. یوخسا گَره­ک اونا  وورولایدیم. اؤزومنن بو قراری قویماغیمین سببینی، اؤزوم ده بیلمیرم. دانیشگاهدا  گؤردویومه ده (بیر هفته نه دئمه‌ییمین اوستونده  فیکیرلَشندن سونرا،) یاخینلاشیب، اونو‌ چکدیییم شکیل­لرده خاطیرلایانمادیم.

دئییرلر قونشو‌نون ائوینه کؤچن بیر اؤیرنجی قیزدیر. بو اوچ گونده، ناهاردان سونرالار پنجره‌سی‌نین بیر تاغی آچیلیر، «سودان گلن سورمه‌لی قیز» ماهنی‌سی­نین سسی ائشیدیلیر. هر سئری بو ماهنی‌نی اوخوداندان سونرا، پرده‌نی چکیب چیراق­لاری سؤندورور. سونرا دا کوچه قاپی‌سی­نین بیر بیرینه چیرپیلماق سسی گلیر...

ادامه نوشته

بیزیم اؤیکو 44. الف. (اون، آیدین ضیایی)

مین بیر گئجه: آیدین ضیایی (ارومیه، 1360). نویسنده، منتقد و مترجم. ساکن اردبیل است و بیشتر در زمینه­های نظریه و فلسفه مطالعه می­کند و قلم می­زند. پیشنهاد او در زمینه شعر با مانیفست "شعر پولورال" در مجله "شعر" مطرح شد که بر اساس آن، شعر را از هنری انفرادی به اشتراک ادبی فرا می­خواند. دغدغه او تجربه فضاهایی نو و بکر در ادبیات، هنر و اندیشه، همچنین نفس کشیدن و فرصت نسق­گیری دیگرگونه در آن فضاهاست. داستان ذیل یکی از داستان­های قرائت شده در کارگاه داستان­نویسی حوزه هنری است که علاوه بر نقد مکتوبی که خود نویسنده در مورد داستانش نوشته است ـ 1392.4.24 ـ ، چند یادداشت نیز توسط دیگر دوستان خوانده شد که به مرور در همین "مین بیر گئجه" منتشر خواهد شد. گفتنی است این داستان، منتخب جشنواره داستان تک صفحه­ای دفاع مقدس کاشان نیز می­باشد.   

***

 

" اون"

آیدین ضیایی

 

مدتی می­شد که آنجا بود. جایی که بود، جای ساکتی بود. منطقه­ای که کمتر یا تقریبن هیچ آدمیزادی به خودش نمی­دید. بدون احتساب مور و ملخ که تا دلت می­خواست بودند. تغییر فصل در آنجا چندان محسوس نبود. فقط روزهای گرم و شب­های سرد تمام چیزی بود که حس می­شد. بوته­های خار و بوته­های تُنکِ دیگر، تنها روییدنی­های مقاومی بودند که روی آن نقطه از زمین دوام آورده بودند. که آنها هم با بادهای تند و طوفان­های شن طاقت نمی­آوردند و کنده می­شدند. ولی "اون" همچنان آنجا بود. مثل سنگ، سنگین و بی­حرکت. گاهی اوقات با بادهای تند، کمی از زیر خاک بیرون می­آمد و با طوفان بعدی دوباره دفن می­شد. رنگ و رویش بخاطر این همه  مدت آنجا ماندن، آنهم در آن شرایط، کدر و کهنه شده بود. انگار صد سالی می­شد که آنجاست. ولی کمتر از این بود. یه جسم بی­استفاده مثل خیلی از آت و آشغال­هایی که این طرف و آن طرف پخش­اند. یک جسم بی­حس. یک جسم منتظر. البته "اون" بی­استفاده نبود. فرقش با بقیه چیزای دور و اطرافش این بود که "اون" بر خلاف بقیه نقشی داشت، علی­رغم وضعیت به ظاهر بلا استفاده­اش. منتظر بود تا یکی بیاید سراغش. البته اینطور برایش مقدر شده بود. که می­بایست یکی بیاید سراغش...

ادامه نوشته

بیزیم اؤیکو 43. (قاپی، توران قربانی صادق)

مين بير گئجه: توران قربانی (اردبیل، 1344) اؤیکو یازماقدان علاوه، یئرلی "سبلان" تلویزیونوندا اویونچو کیمی ایشله­ییر، "پیام اردبیل" هفته­لییی­نین ادبی صحیفه­سینی دولاندیریر. ایندی­یه کیمی ده اؤیکو و شعر قول­لاریندا دویونجاق اؤدول­لر (جایزه­لر) قازانمیش­دیر...

***

 

قاپـی

توران قربانی صادق

       

شَکر خالا اَلی قوینوندا، اونو گؤزله­ییردی. ـ «دئدیک­لریمی ائله­دین؟»

کؤینه­یی­نین قول­لارینی سالا - سالا دئدی: ـ «هه، دوریسینی قویدوم تاغا!»­

آغزینی دولدوردو یئنه فلکدن گیلئی­لَنسین، آنجاق شکر خالا دئدی: ـ «یاخشی...  عزیز گونده اوشاق­لارووی پئشمان ائله­­مه. گئت اینشاللاه دوشرگه­لی اولسون! اونون بونون سؤزونه ده باخما، کیشی­دی دای، آخیر کی ایشله­یه­جک!»

***

بئچه­لر هله بانلاییب، ایلدیرسکی­نین ساری لامپی­نین ایشیغی حَیه­طه یاییلیردی. اوزونو یاشماقلایان قادین یاواشجا سوزولدو ائوین ایچینه. اوتاقدا گؤز دولاندیردی؛ بیر تئشت ایسلانمش پالتار، سَریلمیش چؤرک خیرداسی، کؤرپه­نین باتیق اسگیسی ایله دولو ایستامبول، کولَش خَکه­سی و جینقلی جینقلی نئچه جوت للـه­یین. یاشماغینی آچیب یاتان­لارا باخدیغیندا، اودون پوچونون ایستی­سی اوزونه دَیدی. کاسیبین بختی كيمي هامی یاتمیشدی. آتوشگه­نین قاباغیندان ائوین آشاغا باشیناجاق، یورغان - دؤشک سالینمیشدی.

آیاق بارماق­لاری اوسته کیشی­یه ساری آددیملاییب، اوزونه پیله­دی. کیشی خورولداییردی. بیر ده پیله­دی. کیشی گَرنه­شیب، یوخو هاواسی نسه میزیلداندی...

 

ادامه نوشته

بیزیم اؤیکو 42. ب. (اونونلا گؤیرچینلری، پری آخته)

مین بیر گئجه: پری آخته (اردبیل، 1352). شعر سؤیله­یر، اؤیکو یازار، ایران ـ عراق ساواشیندا اشتیراک ائتمیش دؤیوشچولرین خاطیره­لرینی توپلایار. بؤلگه­ده و اؤلکه­ده کئچیریلن اون­لارجا شعرله اؤیکو فئستیوالیندا اؤدول­لر قازانمیش. اونون بیرینجی اؤیکو توپلوسو دا چاپا حاضیردیر. 

***

 

اونونلا گؤیرچین­لری

پری آخته

 

خومپارالار هر دن بیر گورولومپ سسی­له یئری گؤیو تیتره­دیر. تَر قولتوق­لاری­نین آلتینا شورا سالیب­دیر. "لودر"دن  ائنیب، سنگره گیریر. مهمات جعبه­سینی گؤتوروب، اؤزو ایشله­دییی خاکریزین دالینا دورتولور. دیزلری­یله خاکریزین یوموشاق تورپاغینا چؤکوب، ـ «دئح، دئح» دئیه دئیه جعبه­نین آغزینی آچیر. جعبه­دن اوچ گؤیرچین قول­قاناد چالا - چالا، جومالاشیرلار باشی­نین اوستونه. پالتاری جیبیندن بیر تیکه چؤرک چیخاردیب، الینده اوواراق یئره تؤکور. قوش­لار بیر بیر  ائنیب، دَنله­مه­یه باشلاییرلار. کیشی دئییر: ـ «بو گون چتین یئره دوشموشدوم، لودرده ترکش الیندن صاف یئر قالماییب... اودو بیر آز یوباندیم...»

گؤیرچین­لر بَغ بَغ سسی چیخارداراق، باش­لارینی تَرپه­دیب چینه­ک­دان­لارینی شیشیردیرلر. کیشی اونلارین بیرینه ساری اَییلیب ـ «کَکیللی قیزیم گَل قوینوما!» دئیه دئیه، آلا بولا قوشون توکلو قیچینی اؤپوب اونو تولازلاییر گؤیه.

بوز قوش آیاغی­نین آلتینا کئچیر. ـ «چینه یایلیغیم، سنه ده قوربان!» دئییب، اونو الینه گؤتوروب قانادلارینی آرالاییب صیفتینه یاپیشدیریر.

او بیری آغ قوش بَغیلده­یه – بَغیلده­یه، قاباغیندا او یان - بو یانا گئدیر. کیشی ساغ دیرسه­یینی یئره دایاییب، الینی کوسا ساققالینا چکه­رک،  دئییر: ـ «قیزیل دیمدیک­لیم، سن اولماسان آخی من نئینه­رم؟!»

دال سنگردن آذان سسی ائشیدیلجه­یین، عراقلی­لارین منورلری یئنه یاغماغا باشلاییر. باشینی قالخیزیب گونش باتدیغی یئره باخیر. گؤیرچین­لره دؤنوب دئییر: ـ «بیر آز تئز اولون! قارانلیق اولدو ها...»

ایکی اوچ یئردن دئشدییی مهمات جعبه­سینی اؤزونه یاخینلادیر. گورولومپ سسی­یله گؤیرچین­لرین اوچو ده دیکسینیب، اوچورلار. دال سنگرلرده قاچ ها قاچ دوشور. کیشی آرخاسی اوسته دَبرمزجه یئره دوشوب، آچیق گؤزلری­یله گؤیه باخیر. کَکیللی، چینه یایلیغی و قیزیل دیمدیک­لی منور ایشیغیندا باشی اوسته فیرلانیب، تور توزاناق یاتانا کیمی گؤیده قالیرلار.

بیزیم اؤیکو 42. الف. (جایی پشت پنجره، محمد بهرامپور)

مین بیر گئجه: بیش از دو سال است که کارگاه داستان­خوانی حوزه هنری استان اردبیل را می­چرخانم. در این مدت، هم توسط اعضاء کارگاه و هم توسط داستان­نویسان دیگری که به عنوان مهمان هر از چند گاهی در این جلسات حضور به هم می­رسانند، آثار قابل اعتنایی خوانده می­شود. به پیشنهاد برخی از دوستان (و البته پس از مشورت با اعضاء کارگاه)، بد ندیدیم که هر ماه یکی دو تا از این داستان­ها را در "مین بیر گئجه" منتشر کنیم. تا بگوییم در زمانه­ای که شمارگان واقعی اغلب کتب داستانی ما حتا به پانصد نسخه هم نمی­رسد، در خلوت بعضی از ماها هنوز هم شمع ادبیات داستانی سوسو می­زند...

به این ترتیب، دور دوم "بیزیم اؤیکو" با محوریت آثار خوانده شده در کارگاه­ پیش­روی شماست. اگر خدا بخواهد، هر ماه دو داستان کوتاه. از قضا امروز سوم خرداد است و سال­روز فتح تاریخی خرمشهر. به فرخندگی این روز، یکی از داستان­های این ماه را اختصاص می­دهیم به داستان "اونونلا گؤیرچین­لری" که در ژانر دفاع مقدس نوشته شده است. لطفن، کامنت یادتان نرود!

ـــــــــــــــــــــــ

محمد بهرام­پور (اردبیل، 1368). شاعر و داستان­نویس. مولف مجموعه شعر جبهه و جنگ استان اردبیل با عنوان "سطری از رگ­های پاره" و حائز رتبه­های برتر در جشنواره­های شعر و داستان استانی و سراسری.

                                             ***

 

جایی پشت پنجره

محمد بهرام­پور

 

وقتی می‌رسم یک جفت کفش زنانه پشت در ایستاده است. می‌دانم تا آمدنم را بفهمد سؤال پیچم خواهد کرد. کیفم را بغل چادر سیاهش آویزان می‌کنم. نک‌پا نک‌پا وارد آشپزخانه می‌شوم. کتری دارد بخار می‌کند و زوزه می‌کشد. پنجره را که باز می‌کنم سروصدای خیابان می‌دود تو. هوا سوز دارد و دود این شهر لعنتی تمام شدنی نیست. دارد تاریک می‌شود هوا. گره روسری‌ام را شُل می‌کنم و باد سردی روی عرق صورتم می‌نشیند. پله‌ها نفس آدم را می‌گیرند. خبری از ظرف‌های کثیف دیروز نیست. صورتم توی آینه‌ی رنگ و رو رفته‌ی آشپزخانه لاغرتر دیده می‌شود. دستم را زیر آب گرم می‌گیرم و کمی به صورتم می‌کشم. گودی زیر چشمانم همیشه می‌ترسانَدَم. صدای در اتاق را که می‌شنوم رو به پنجره می‌کنم. حتماً جلوی در آشپزخانه ایستاده و نگاهم می‌کند. منتظرم تا چیزی بگوید و برگردم. نصف پنجره‌های آپارتمان روبرو را سَردرِ شرکت‌ها گرفته‌اند. دفتر رسمی ازدواج، شماره‌ی 13.

-«سلام نرگسم! کی اومدی؟» ...

ادامه نوشته

بیزیم اؤیکو 41. (سیچان، مهدی نظری)

مین بیر گئجه: مهدی نظری (اردبیل، ۱۳۶۰). سوسیولوژی لیسانس­لی­دیر. اردبیلین گنج سینما درنه­یی­نه (انجمن سینمای جوانان­ینا) اؤیه اولاراق، کارگردانلیق مقامیندا «ساندویچ» و «قاب خالی» آدلی ایکی تجروبی قیسا فیلم ایشله­ییب­دیر. قاباق­لار، تئاتر صحنه­­سینه ده چیخارمیش. هر دن ده سناریو یازار. ایندی­یه کیمی، سناریولارینا گؤره بیر نئچه فئستیوالدان اؤدول­لر­ قازانیب­دیر. آزدان چوخدان، تنقید یازماقدا دا اَلی وار. لاپ یئنی ایش­لریندن دئسک، «وحید علیرضایی» باشدا اولاراق، او بیری امکداش­لارلا بیرگه «فرهنگ فیلمفارسی» آدیندا جامع بیر کیتابین حاضیرلانماغیندا اشتیراکی وار. «سیچان» باشلیقلی اؤیکو، اونون یازدیغی ایلک حیکایه­سی­دیر.  

***

 

سیچان

مهدی نظری

 

قیز قاپی­یا زیللَنمیشدی. الینده­کی تیکه­نی کاسایا قایتاریب، گؤزونو قاپیدان گؤتورمه­دن یاواشجا دالا اوتوردو. دوواردان دؤنه دؤنه "تیریپ تیریپ" سسی گلدی. قیزین ـ «وای آنا!» جینگیلتیسی ایله کیشی دیکسینیب، آغزینداکی لوقمادان بوغازینا سیچرادی. آرواد اونون کوره­یینی یوموروقلایاندا، او تایدان دا، اَلینی اوزادیب تله­سیک­جه پارچدان سو گؤتورمک ایسته­ین اوغلان، سویون یاریسینی دا جالادی سوفرایا. آرواد بیر اَلییله لیوانی کیشی­نین قاباغینا توتوب، او بیری اَلییله ایسه اونون کورَیینی یوموروقلا یوموروقلایا، اوزونو قیزا دؤندَریب، ـ «یاریمایاسان! نه اولدی؟!» دئدی.

اوغلان باشی آشاغی، سویو پارچا ییغا ییغا دئدی: ـ «ائله بیل دالدان سیچان کئچدی!»

...

ادامه نوشته

بیزیم اؤیکو 40. (بؤیوک آغا نه واخت گله­جک، فهیمه مصطفی­پور)

مین بیر گئجه: فهیمه مصطفی­پور (تبریز، ۱۳۶۶). آشاغیداکی اؤیکو، آنا دیلیمیزجه اونون ایلک اثری­دیر. اؤیکوسئورلر، بو گله­جک­لی یازیچی­نین آدینی یادلاریندا ساخلاسین­لار! ـ حیکایه­سینی اوخویاندان سونرا، نه دئدیییمی بیله­جک­سیز...

(بو ادبی تانیشلیغا سبب اولان سایغیلی یازیچی و شاعیر، رقیه کبیری­دن ده تشککور ائتمکدن واز کئچمک اولمور. یاشاسین!)  

 

خالچالیغین اؤزل سؤزجوک­لریندن: ــــــــــــــــــــــــــــــ

 نازیک آرغاج: تار و پود فرش/  لای: یک ردیف یا یک رج/  دفه (دف): ابزاری برای کوبیدن تار تا گره­های فرش محکم شود./  آرغاج: تار و پود/  لور: ده پانزده گره همرنگ انتهای فرش، آخرین حاشیه فرش./  متدی قیرمیزی: قرمزِ همرنگ متن فرش. قرمز همرنگ رنگ زمینه./  بالاش (بالاشیه): دو تا حاشیه­ی کوچک فرش که حاشیه بزرگ در وسط حاشیه­های کوچک قرار دارد.

***

 

بؤیوک آغا نه واخت گله­جک

فهیمه مصطفی­پور

 

ایلمَک­لری بیر به بیر سالیرام. بئلیم قورویوب، آمما سایمیرام. بالاشی­نین آخیرینجی­سینی سالیریق. اون­یئددی لای لوردن سونرا، فرش قورتولاجاق. گؤردویوم پوتون­لارا گؤره، الیم ائله قیزیشیپ کی، آنام دئییر: ـ «نه اولوب تله­سیسَن؟»

ـ «هن دا به...! صاباح هفته­لیییمیزی وئرنده، اوش دؤرد تومن شایدانا وئرجک، بیر آز دا سن وئرسَن، بیر جوت پوتون آلارام. اؤزون دئمیسن...!»

ـ «آی بئلیم!»، آنام دئییر، دَفه­نی تئز تئز تاپدایا تاپدایا، ـ «دَده­زی تون به تون دوشسون. نئجه جاوانلیقدا گئدیپ بیر ایش صاحابی اولمادی. ایندی عؤمرومون سون چاغیندا اوتورموشام ایلمک سالیرام. اوتوز ایل قاباق، ارتش­دن چیخاندا، دئدیم چیخما. هئچ اولماسا، بیر تؤرَلی ایش تاپ، سونرا چیخ. فیکرین وئردی عطر اودکلونا. شالواریمین اوتوسو گرَک قارپیز کسه. ایندی ده آتمیش یاشیندا هله فهله­لیغا گئدیر.»

پئشمان اولدوم دئمه­ییمدن. فرش اوسته هر واخت بیر سؤز آچیلسایدی، آنام لای چیخینجان دئیینَردی. هله چوخ شوکور کی، اون­یئددی لای قالیر. نازیک آرغاجی آنام چکیر تاپدالاییر. یئتیشدیک لورا. بیر کلف، متدی قیرمیزیدان آچیب باشلاییرام. "تربیت"­ـده گؤردویوم پوتون­لار یادیما دوشوب، تئز تئز ایلمک سالیرام. آخیر ایلمه­یی سالیب، تخته بنددن آپبیلیرام یئره...

ادامه نوشته

بیزیم اؤیکو 39. (هاردایدین؟!، واله شیری)

مین بیر گئجه: «سوس» آدلی اؤیکو توپلوسو، (کیتاب شکلینده) اوندان اوخودوغوموز سون اثردیر. اونون تبریزده­ ـکی حیکایه کلاس­لاری­نین تعریفی گلیب اردبیله ده چاتمیش­دیر. آشاغیداکی حیکایه­نی ایلک اؤنجه «مین بیر گئجه»ـ­دن یاییملادیغینا گؤره، اوندان تشککور ائدیرم.  

***

 

هاردایدین؟!

واله شیری

 

... ،

"هاردایدین؟…"

بونو آناسی دئییب، ایکی آددیم اوغلونا دوغرو ایرَلندی. دستمال الینده، گؤزلری قیپ-قیرمیزی قیزارمیشدی.

اوغلان آچاری چیخاردیب، قاپی­یا سالاندا، ائوده­کی­لر هامیسی دیک داشلاندیلار. آتاسی اوز دؤندریب، پنجره­یه باخدی. هئچ یئریندن ده ترپنمه­دی. آداخلیسی سولغون حالدا، ال­لرینی میزه دایاق ائدرکن، دوداق­لاری تپیدی. بیر سؤز دئمه­یه دوداق­لاری بیر یئره یوووشمادی. اوغلانین چاشکا-لوشکا یولداشی باشینی بولادی. تکجه، آناسی دستمال الینده، باغرینی آچیب، ایکی آددیم قاباغا ایرلندی. دئدی، "هاردایدین؟" سؤزونون دالیسینی گتیرنمه­دی. قول­لارینی یانا آچیب، کؤکسونو اؤتوردو. "هاردایدین اوغلوم؟..."

اوغلان آرخا چانتاسی چییینینده، شاشمیشدی. هویوق-هویوق ائوده­کی­لره باخیردی.

*

...، اورَ­یینی بوشالدیب، نفَسینی دَردی. آرخا چانتاسینی باشینین آلتینا قویوب، آرخاسی اوسته اوزاندی. قول-قیچینی تیر اوزالتدی. گؤزلرینی تاوانین تیرلرینه زیلله­دی. چوخ چکمه­دی، کیرپیک­لری یومولوب، درین بیر یوخویا بوروندو... 

ادامه نوشته

بیزیم اؤیکو 38. (تاق تاق تاق، علی نوری)

مین بیر گئجه: علی نوری (اردبیل، 13۶۶) آشاغیدا اوخویاجاغیمیز "تاق، تاق، تاق" آدلی اؤیکوسونون دانیشیق­لارینی اردبیل لهجه­سینده یازیب­دیر. 

***

 

تاق، تاق، تاق

 

علی نوری

 

بير آنليق قورخدو. بير آز آرتيق قاز وئريب، تَهرين آلتيندا قالان داشين اوستوندن سوووشدو. بُنگاهچي ـ «توپولوفون تَهرلري ده كئچلدي. بيردن پارتتار» دئيه تئزليك­له اونلارين دَييشمه­سينی تاپشيرميشدي ماشيني آلاندا. آمما ايندي ده چئك­لرين دولماسي هر ندن اؤنملي ايدي اونا. ماشيني دال– دالا چيخارديردي پاركدان. پیلاكين اوجو جدوله ايلشنده، تاقق سسييله چئك­لرين فيكريندن چيخيب آياغينی تورموزا آتدي. دريندن بير نفس چكيب، ماشيني دَنده­يه قويوب يولا دوشدو. دؤرد ائوی سوووشوب خياوانا يئتيشيرديسه ده، اونون اوسته حساب آچا بيلميردي. آخشامدان تهران اوتوبوس­لاري­نين دوراجاغينا گئتمك قرارينا گلميشدي اؤزویله.
هله آلاتورانليق ايدي و خياوان قيراغينداكي ائولرين هانسيندانسا ايت هورمه­یی خياوانا یاییلیب، سحرين سيزاغیيلا ماشينين ياري آچيق پنجره­سيندن سوزولوردو ماشينا. شیشه­ني قالديردي.

 

تاق تاق تاق سسييله اؤزونه گلدي...

ادامه نوشته

بیزیم اؤیکو 37. (گوزگو، قادر جعفری)

مین بیر گئجه: قادر جعفری (موغان­شهر، ۱۳۶۵). ایلک، اورتا و متوسیطه تحصیلاتینی دوغولدوغو شهرده باشا وورموش، "عمران مهندس­لییی" ریشته­سینده یوکسک تحصیل آلماق اوچون اؤنجه همدان­ـا، سونرا ایسه اورمویا گئتمیش­دیر. بوندان قاباق، ـ "مین بیر گئجه"­ـده ـ اوندان ادبی بیر مقاله ده اوخوموشدوق. 

   ***

 

گوزگو

قادر جعفری

 

سونرا دوست­لاریمین هامیسی گولوشدولر. یعنی اولجه بیر بیرینه تعجب­له باخیب، سونرا گولوشدولر. "تیمور"سا، ـ «اَشی بو کی لاپ تؤحفه­یمیش!» دئدی. "مارال" یاخینلاشیب تئل­لرینی سیغاللادی. بیردن منه باخیب، ـ «اوتانماز!» دئدی، ـ «ائله بودور دئدییین گؤزلچه؟  هامینی منه گولدورمک ایسته­ییردین به­یم». هامیسی بیردن گئتدیلر. او ایسه اوزاقدان هر نه­یه اعتیناسیزجا باخیردی. دوز گؤزونون ایچینه گؤز دیکدیم. لاپ او قارا گیله­سی­نین دیبینه قدَر باخدیم. هئچ نه یوخ ایدی. هئچ اولماسا اؤز شکیلیمی اوردا گؤرمه­لی­یدیم آخی. آنجاق یوخ ایدیم. ائله هر شئی همن کی کیمی ایدی. هئچ نه دویولموردو. آبریمی تؤکدویو بس دئییل، هله دوداغیندان اولکی گولوشو ده ایتمیردی. دوزونه قالسایدی، اوندا هئچ گوناه - زاد یوخ ایدی. بو آرادا، او یازیق آخی نئیله­سین؟ او کی هئچ بیر سؤز دانیشمازدی دا. لاپ اول گوندن بئله­یدی. یالنیز، بیر نؤقطه­یه گؤزونو زیلله­ییب، دونوخوب قالاردی. دَبرمه­یینجه یئریمزلییینی کیمسه بیلمزدی. یعنی چولاق دئییلدی ها، آنجاق، سیزی نئجه باشا سالیم، یئریه بیلمزدی ده. آمما هر یئره گئدردی. دیش­لرینی بیلمیرم آمما همیشه دوداق­لارینی گولر گؤرَردیم. یئییب ایچمک­نن ده آراسی یوخ ایدی کی، یعنی هئچ اولدن دیشی ده یوخ ایدی. تانیش اولدوغوموز گوندن بئله­یدی. حتمن اوندان قاباق دا بئله­یمیش... 

ادامه نوشته

بیزیم اؤیکو 36. (آرمود آغاجی، مهدی آقازاده)

مین بیر گئجه: مهدی آقازاده (اردبیل، ۱۳۶۶). اردبیلین تانینمیش و چالیشقان گنج شاعیرلریندن اولاراق، ایندیلیکده دانیشگاهدا "حقوق" اوخویور. آشاغیداکی اؤیکو، اونون بیرینجی حیکایه­سی­دیر. 

***

 

آرمود آغاجی

مهدی آقازاده

 

صوبحدن باغ طرفیندن ویزیلتی سسی گلیردی. آتام ائوه قاییداندا، تئیمورون اوشاق­لاریندان دانیشمیشدی. دئییردی اوچو ده نم نه یئکه­لیکده کیشی  اولوب­لار. آتاملا آنام دانیشا دانیشا، برقی اره­نین سسی قولاغیما دوشوردو.

 اورَییمده دئدیم گؤره­سن آرمود آغاجینی دا... و اورَییم دولدو. باشیمی مشق  دفتریمین اوستونه قویدوم. قالانینی یازماغا هئچ حؤوصله­م یوخ ایدی.

دئدیم:

ـ "نییه باشا توشمئیسن؟! حارامدی حارام!"

ـ "فرهاد! گینه سنون موللالیغون توتدی؟! آتام دئیدی بورا تیمور آدیندا بیر کؤپئی­اوغلونون ایمیش کی، اینقیلابدا قاچیب خاریجه­یه؟ بو آغاجین آرمودلاری اؤز باشینا قالیب، هامیسینی قوش­لار یئسه حلال اولار؟!"

ـ "نه ربطی وار حارام حارام دی حالال دا حالال،اصلن به سنون دَدون ائووزه  آرمود آلمئی؟!" ...

 

ادامه نوشته

بیزیم اؤیکو 35. (سس­سیزجه آشاغی سورونَن پیلله­لر، رقیه کبیری)

سس­سیزجه آشاغی سورونَن پیلله­لر

رقیه کبیری

 

 

آخشامدی. هر کسین آددیم­لاری ایسه ائوینه ساری. او آستا-آستا گئتدییی هر گونکو یئره آددیملاییر. نئچه ثانیه دایانیر. کیفینده­کی مانتونو چیخاریب بوکدویوندن سونرا، یئنیدن یئرینه قایتاریر. کیفی ده بو بیری چیینیندن آسلاییر.

دریندن نفس آلیر. شیرین قوخولار کؤکسونه دولور. اوزاقدان جوت باجی­لاری قنادی­نین قاباغیندا گؤردویونده، شیرین نفسی تورشا چالیر.

نئچه آددیمدان بیر، یانجاق­لارینا ییغیشان مانتوسونو آشاغی چکیر. جوت باجی­لاردان اؤتوب، قنادی ‌ایله ساندویچی‌نین آراسینداکی دووارا سؤیکه­نیر.

خیاوان دالغالانیر تر-تله‌سیک گئدیب-گلن آدام­لارلا. اوتوماتیک کؤرپونون پیلله­لری سس‌سیز آشاغا سورونور.

قیز، اورَیینده کؤرپودن آشاغی سوروشَن کیشی­لری ساییر؛ بیر، ایکی، اوچ... آلتی، یئددی،... اون­بئش... ایییرمی... 

ادامه نوشته

بیزیم اؤیکو 34. (هؤرولموش خاطيره‌لر، من و آتام/ رضا کاظمی)

مین بیر گئجه: آشاغیداکی اؤیکو، "لاپ او اوزاق­لاردا" کیتابیندا گئتمیشدیرسه ده، سایین "ابراهیم عادل­نیا"نین یئنی­جه یازدیغی تنقیدینه گؤره یئنه سیزین قارشینیزدادیر.

                                                    ***

 

          هؤرولموش خاطيره‌لر، من و آتام

رضا کاظمی

 

 

شهيد «مهدي باكري» و باشقا عزيز شهيدلريميزه:

هر نه، آتامين ساققاللي يولداشي‌نين ائويميزه گلديييندن سونرا باشلاندي. كيشي بارداشيني قوروب باشيني آشاغي سالميشدي. ائله تور توزلو دؤيوش پالتارييلا دوروب گلميشدي. آتامين تركش‌له اؤلدورولمه‌سيندن دئدي. سنگرداشي‌نين يانيندا اوتورموش، خاطيره تعريفله‌ييرميش. قومپارا نئچه متير اويانليق پارتلاييب، تركش‌لري‌نين بيري دوشور آتامين سؤيله‌دييي خاطيره‌لري‌ اورتاسينا. آنام اينانمادي. اؤزونو چادرايا بوكدويو حالدا، آياغا قالخيب چاي گتيرمك اوچون مطبخه ساري گئتدي. هئچ زاد دا دئمه‌دي. يالنيز، ايستيكاني دولدورا دولدورا مندن قند قابي‌نين يئريني سوروشدو. قونشو قادين‌لاري، هاميسي قارا گئيينيب سيرايلا اوتاق‌لاريميزا دولوردولار. آنام ائو پالتارييلا او يان بو يانا يورويوردو، قندقابي‌لاري دولدوروردو. آروادلار نه قدَ‌ر اونا ياس كؤينه‌يي‌نين گئيمه‌سيني يالوارديلار، گئيمه‌دي. اونلارين قاباغينا چاي توتا توتا، گؤزلري‌نين ايچينه دونوخوردو. منه دئييردي، آتان، سون مكتوبوندا بو تئزليييه قاييتماسيندان يازميش. يولداش‌لاري‌نين بيري دئدي، ائله رحمتليك سيزه مكتوب يازا يازا شهيد اولدو. قومپارا باشيني قوپاردي، قورتارماميش مكتوبونو دا يئل آپاردي. هر نه توز تورپاق ايچينده ايتدي، باجي. قادين‌لار اوخشاما اوخوماغا باشلاديلار، باش‌باشا وئريب آغلاشديلار...

ادامه نوشته

بیزیم اؤیکو 33. (کانادا ایچکیسینین تابلوسو، علی نوری)

مین بیر گئجه: علی نوری (اردبیل، ۱۳۶۶). گنج مخترع­لر دَرنه­یینه اؤیه اولاراق، ایصفهانین دلیجان شهرینده لیسانس اوزره شیمی صنایعی اؤیرنجیسی­دیر. اردبیلین ادبی چئوره­سینده چوخراق بیر شاعیر کیمی تانینمیش، بیر زامان­لار ایسه حوزه­ده آنا دیلیمیزی تدریس ائتمیش­دیر. بوندان اؤنجه، اونون بیرینجی اؤیکوسو "مین بیر گئجه"­نین "بیزیم اؤیکو" بؤلومونون اون­دؤردونجو اثری کیمی یاییملانمیش­دیر. 

***

 

کانادا ایچکیسی­نین تابلوسو

علی نوری

                              

پاکاتی کیفینه قویدو. کیفی گؤتوردو، میز اوستونده­کی فلورسنت چیراقدان باشقا، او بیری­لرینی سؤندوردو. "مسکو"دان گتیردییی "قافقاز" بؤرکونو باشینا قویوب، دفتردن قفه­یه ساری یولا دوشدو.
هاوانین سیزاغی اوزونون دَریسینی قوووروردو. خیاوان­لار شیشه بوز باغلامیش، ائهمالجا اَسن یئل ایسه دام­لاردا اولان قاری سووروردو. دوکان­لارین ویترینینده یانان نئون چیراق­لارین ایستیسی، شیشه­یه دَیه­ن قار دَنه­لرینی اَریدیب بوغلاندیریردی. کئچَن هفته باشماق آلدیغی دوکانین قاباغینا یئتیشدی. باشماق گؤزل اولسا دا، قار اوسته سوروشدویونه گؤره قیش مالی دئییلمیش. دیش­لرینی بیر بیرینه قیسب، دوکانین قاباغیندان سوووشدو. ویترین­لره باخا باخا گلن قادین­لار، دیک­دابان پوتین­لرله داها راحات و اولدوقجا ملاحت­لی آددیملاییردیلار؛ یان­لاریجا گلن کیشی و بعضن قیزلارلا دانیشا دانیشا...

ادامه نوشته

بیزیم اؤیکو 32. (قیرمیزی فینجان، سارای محمدرضایی)

مین بیر گئجه: سایین سارای محمدرضایی (مشکین­شهر. ۱۳۶۵)، قزوین دانیشگاهیندا "سیاسی بیلیم­لر" اوخویوب­دور. شعرلرییله یاناشی، بعضن طنز یازی­لارینی دا آیری آیری درگی­لرله وئبلاق­لاردا یاییملایار. بیزیم اؤیکو ۳۲ باشلیغی آلتیندا گئدن اثر، اونون بیرینجی حیکایه­سی­دیر.

 

***

 

قیرمیزی فینجان

سارای محمدرضایی

 

صندلی­یه سؤیکه­نیب، آیاق­لارینی میزه ایلیشدیریر. اَلینی فینجانین اوستونده ساخلاییر. بوخار بارماق­لاری آراسیندان چیخیب بورنونون اوجونو نَملندیریر. یئنه دیوارداکی ساعاتا باخیر،  یئددی اوتوزدؤرد دقیقه. هاوا گئت­گئده قارانلیقلاشیر. شکیلی پنجره­نین شیشه­سینه دوشور. اؤزونه باخیب، بارماق­لارییلا ساچ­لارینی داراییر. ائله بیل آی­لاردیر سو اوزو گؤرمه­ییب­دیر. اوتاغین هاواسی سَرینله­شسین دئیه پنجره­نی بیر آز آچیر. کوچه باشینداکی دوکانچی بیغ­لارینی ائشه ائشه، اوجا بوی آغ کؤینکلی بیر اوغلانی دانیشیغا توتوب­دور. بیر آز اویانلیغا، دیک­دابان باشماغینا گؤره چتین­لیک­له تئز تئز یئرییَن بیر قادینا باخیر. قادینین دیک­دابان باشماغی­نین سسی، ساعاتین تیک­تاکی کیمی قولاغیندا تاققیلداییر. قادین بالاجا قیزینا نسه دئییب، اونون بالاجا ال­لریندن یاپیشیر. قیز ساغ الییله قولچاغینی قوجاقلاییب، قاچا قاچا آناسی­نین آددیم­لارییلا آیاقلاشیر...

ادامه نوشته

بیزیم اؤیکو 31. (رومانتیک بیر گئجه، رقیه کبیری)

مین بیر گئجه: رقیه کبیری (خوی، ۱۳۴۱). بو سایین شاعیر و یازیچیدان، بوندان اؤنجه، ایکی اؤیکو اوخوموشدوم؛ هر ایکیسینی ده "آفتاب آذربایجان" درگیسینده. سونرا اونون شعره اختیصاص وئردییی اؤزَل وئبلاقینی تاپدیم. اورداکی شعرلرینی ده اوخودوم، آنجاق "رقیه کبیری­"ـنی هر ندن قاباق باجاریقلی بیر اؤیکوچو گؤردوم. من بیلن، او تبریزده یاشاییر. بونا گؤره، اونونلا اینترنت اوزره ادبی ایلگی قورماغا باشلادیم. آشاغیداکی حیکایه، اوندان اوخودوغوم اوچونجو اؤیکودور. اونا، ها بئله  اینترنت­ـه بَسله­دیییم سایغی­لاریملا بیرگه، بو حیکایه­نی ـ اؤز ایجازه­سییله ـ "مین بیر گئجه"­نین "بیزیم اؤیکو" بؤلومونون اوتوز بیرینجی اثری کیمی سیزینله پایلاشیرام.

***

 

رومانتیک بیر گئجه

 

رقیه کبیری

 

 رومانتیک بیر گئجه حاضیر‌لامالییام ایل‌لردن سونرا. اوشاق‌لار بئش گونلوک بیر سفره گئدیبلر. باش- باشا قالمیشیق ایکیمیز. ایداره‌دن اونون ایش یئرینه زنگ آچدیم. هر زامانکی کیمی یورغونلوق سسیند‌ن تؤکولوردو.

ـ «بیر سورپیریزیم وار بو گئجه. لوطفن بیر آز تئز گَل!»، دئدیم.

بیر آن تئلفونون دسته‌ییندن ـ «گؤروم دا» کلمه­سینی ائشیدنده، بوتون سَسیمین نئشه‌سی بوغازیمدا دویونله‌نیب ایتدی... 

ادامه نوشته

بیزیم اؤیکو 30. (ایییرمی دؤرد آغ اولدوز/ محمود مهدوی)

مین بیر گئجه: "خیشیلداییر سینه­نده بیر نئچه تانک"، محمود مهدوی­نین یاخین گله­جکده ایشیق اوزو گؤرَجک ایلک شعر توپلوسونون آدی­دیر. یئنی اثرلرینده ایران­ـلا عراق­ آراسیندا باش وئرمیش سککیز ایل ساواشی عکس ائتدیرن بو یازیچی، شعرلریندن باشقا، اؤیکولرینده ده، بو قونویا (مؤوضوعا) دوشونور، اونو یاشاییر و ـ منجه ـ چوخ باجاریقلا دا اونلاری یازماغا باشلاییر.

"سککیز ایل موحاریبه"  ایران ادبیاتی­نین فارسجا قولوندا چوخدان بَری اؤز یئرینی تاپمیشدیرسا دا، او بیری دیل­لرین ادبیات­لاریندا آنجاق یئتَرلی قدَر ایشلَنمه­میش­دیر... بونلارا باخمایاراق، محمود مهدوی سون یازی­لاریندا، آنا دیلیمیزده قوناق قاباغینا قویمالی "ساواش" قونولو حیکایه­لر­ یازسین دئیه تک باشینا چالیشیر. بو یولدا اونا بؤیوک اوغورلار آرزو ائده­رک، سؤزو گئتمیش اؤیکولریندن بیرینی ایلک اؤنجه "مین بیر گئجه"ـدن یاییملادیغینا گؤره اوندان دؤنه دؤنه تشککور ائدیرم.

                                                     ***

 

 

ایییرمی دؤرد آغ اولدوز

 

محمود مهدوي

 

سوروشدو: ـ «نئچه آي خیدمت‌سن؟»

دئديم: ـ «قوتارميشام.»

او آينادا منه باخيب، اَليني ماشينين سقفينه توتدو: ـ «او نئجه؟»

باشيمي سالديم آشاغا: ـ «يولداشيمدي...»

سؤزومون قالانيني يئديم، دئمه‌ديم، دئيه بيلمه‌ديم. آژير سسي گليردي. چيراق‌لارين هاميسي سؤنموشدو. پياده‌رولاردا قاچا ­قاچ ايدي. تاكسي‌چي تئز فرماني دولانديريب، خيابانا تؤكولن شيشه اوووغونون بؤيروندن سوووشدو. آمبولانس‌لار بيزي كئچدي. ايكيميز ده اَيلشميشديك چاديرين قاباغيندا. عقرب‌لر دالبادالا دوزولوب، گئديرديلر چاديرين ايچينه. بیز ده، اونلارين داليیجا گئتديك. عقرب‌لر چاديرين دير‌ه­ييندن يوخاري قالخيب‌ اوردا دايانديلار. گئجه ذره‌جن ‌ده ايشيق گؤرسه‌يديلر، آتيليب اطرافداكي‌لاريني سانجيرديلار. اونلارين قورخوسوندان گئجه‌لر فَنَرين خودونو آليرديق. تاكسي‌چي ضَبطين خودونو... 

ادامه نوشته

بیزیم اؤیکو 29 (... ، شریف مردی)

مین بیر گئجه: ایندی­یه کیمی اونو گؤرمه­سم ده، اونونلا ادبی دوستلوغوما گئرچکدن اؤیونورم. بونا گؤره ده، هر ندن آرتیق اؤز سایغی­لاریمی اینترنت­ دوشَرگه­سینه بَسله­مه­لی­یم! شریف مردی­نین بیزیمله پایلاشان سون اؤیکوسونو بیرلیکده اوخویوروق:

***

 

...

شریف مردی

 

گؤزونو آچاندا دیوارا باخدی. نئچه آن ائله­جه باخیب دؤندو. اوتوردو. توک­لری بیر بیرینه قاریشمیشدی. الینی آلنینا چکیب سیقار پاکاتینی میز اوستوندن گؤتوردو. بوش ایدی. اونو بوکده­له­ییب بیر قیراغا آتدی. اوزانیب تاوانا دونوخدو. دوراندا، آیاغی میزین قیراغینا توخوندو. آخسایا آخسایا پنجره­یه یاخینلاشیب پرده­نین اوجونو قالدیردی. گون گؤزونو قاماشدیردی. پرده­نی سالیب تاخچادان سیقار پاکاتینی گؤتوردو...

ادامه نوشته

کاشغر !

مین بیر گئجه: ایل­لر بویو چین دؤولتی­نین یانلیش سیاست­لرینه قارشی موباریزه آپارمیش ها جین (Ha Jin)، یازدیغی اؤیکولرینه گؤره، بورا کیمی ایکی اؤنملی ادبی اؤدولو قازانمیش­دیر: "پِن همینگوی" (۱۹۹۷) و "فلانری اوکانر" (۱۹۹۶). او اغتیشاشچی آدلی اؤیکوسونده، چین اؤلکه­سی­نین قاپالی دورومونو آچیقلاماغا چالیشاراق، مملکَتینده­کی ضیالی­لاری­نین اخلاقی دوشکونلویونه ده توخونور...  بو حیکایه، "آمئریکانین ان یاخشی اؤیکولری، "۱۹۹۷ باشلیقلی اؤیکو توپلوسونون بیرینجی اؤیکوسو کیمی یاییملانمیش­دیر. 

 

                              ***                          

 

اغتیشاشچی

ها جين

رضا كاظمي

                      

 

«چو» و يئني حيات‌يولداشي، «موجي» آدلي قاطار دوراجاغي‌نين قارشيسينداكي مئيداندا ناهار يئييرديلر. ميزلري­نين اوستونده آغزيندان سوزولموش ايكي شیشه سودا، ايكي کاغیذ قوطو دولوسو دويو، كدو، ها بئله قووورولموش دونوز اتي وار ایدی.         

«چو» حيات‌يولداشينا ـ «گَل باشلاياق» دئییب، قاشیق عوضینه دوزلميش چوپ‌لارين بير بيرينه ياپيشميش تك‌لريني سينديردي. دونوز اتيندن بير كسيك گؤتوروب آغزينا قويدو. لوقمانی چئينه‌يه­رك، آريق چنه‌سينه قيريش دوشوردو. اونون ساغ طرفينده اولان باشقا بير ميزين باشيندا، دمير يولونون ايكي پوليسي چاي ايچيب گولوردولر. بئله نظره گليردي كي، اورتا ياشلي يوغون كيشي­، اوجا بويلو گئنيش‌ كورَ‌كلي گنج يولداشينا لطيفه تعريف‌له‌يير. اونلار هردن گؤز آلتي «چو»گيلين ميزيني ‌ده سوزوردولر...  

ادامه نوشته

بیزیم اؤیکو 28. (یئکه بیر داش/ شریف مردی)

 

یئکه بیر داش کیمی

 

شریف مردی

 ۱.

هاوا ترتمیز تورپاق اییسی وئریردی. یاغیش دونن گئجه یاغمیشدی بلکه ده. ائرته­دن دوروب، گون­چیخان ماجالی بوردایدی. یولا دوشدو بالتا الینده. اونا گووه­نه­جک شئی یالنیز بالتاسی ایدی. یورغونلوغونو آلیردی اونون ایتی اوجونه باخاندا. بالتانین تییه­سینه توپوروب الییله اونو اوخشادی. قاش­لارینی آتدی بیر ایکی دفعه. بالتانی گونشه ساری توتوب باخدی. گؤزلری پاریلدادی. الینی یانینا چکیب، یورومه­یه باشلادی. اونو برک برک الینده ساخلایاندا آددیمینی دا برک آتیردی.

بیر کیلومئتیرلیک یول وار ایدی آغاجلیغا. اوزاقدان گؤروکوردوسه ده، ایچی قاپ قارانلیق ایدی آنجاق. تاخما شام­لارا بنزه­ییردیلر. بیر بیرینه دولاشیق اوزون اوزون اوت­لارین آراسیندان کئچیب، بالتانی قاباغینا، یان­یؤره­سینه وورا وورا یول آچیردی اؤزونه. ایمکانی اولان هر بیر یئرده بیتمیشدیلر اوت­لار؛ داش­لارین اوستونده، آلتیندا. دیزلَرینه­جن ایسلانمیشدی شالواری. ایکی یئرده تمئشک کول­لارینا توشلاندی. بیر بیرینه پیرتلاشمیش تیکانلی بوداق­لار، آلینماز بیر قالا کیمی کسمیشدی اؤنونو. هره­سینه بیر بالتا یاتیردیب، بری یاندان کئچدی. بیر یول قولونو جیزمیشدی دیرسه­یه­جن بو تمئشک­لر. اوتوردو. شالوارینا ایلیشدییی بیر توپا تیکانی آییردی اؤرزوندن.  اوت­لارین اوستونه دیرماشان قورداق­لار یئل اسدیک­جه داها دا کئیف ائله­ییردیلر اونون گؤزونده. دوروب، اوزون اوزادی باخدی. هردن ایسه بارماغییلا بیر چیرتما ووروب گؤیه توللاییردی بیرینی. قورداغین گؤیده فیرلانماسینا دالیب، تمیز هاوادان درین درین نفس آلاراق، یولونو داوام ائتدی. یوموشاجیق تورپاق باشماق­لارینا یاپیشسا دا، قوپوردو اؤز اؤزونه آنجاق. هردن­سه بالتانین یانییلا تورپاغی قوپاریردی آیاق­قابیسیندان... 

ادامه نوشته

بیزیم اؤیکو 27. (من، عظیم و لنین/ محمود مهدوی)

مین بیر گئجه: سایین محمود مهدوی­نین "من، عظیم و لنین" اؤیکوسو، ۱۳۸۶ ـجی ایلده "بیرینجی سونای اؤدولو"نون بئش اوستون حیکایه­لریندن بیری کیمی تانینمیش­­دیر. بو اؤیکوده، هله ده "ایزم"لرین بیرینه وفالی قالمیش عظیم آدلی کاراکتر، دون کیشوت­ سایاغی (و بلکه ده اونون کاریکاتوری کیمی،) حقیر طلب­لرییله بیرگه یاشاماقدادیر... آدی گئتمیش اؤیکو بیرلیک اؤیرنجی درگیسی­نین دؤردونجو سایی­سیندا چاپ اولموشدور. (سایین بولود مرادی­نین ده بو اثره گؤره یازدیغی تنقیدی، ـ نئچه گوندن سونرا ـ بیرینجی دؤنه اولاراق مین بیر گئجه­دن یاییملاناجاق­دیر.)

                                                   ***

                            

من، عظيم و لنين

 

محمود مهدوی

 

فهله‌لر حيه‌طده مني گؤزله‌ييرديلر. قاش قاباق‌لاري‌نين ساللاق اولدوغوندان باشا دوشدوم كي، عظيم حال­لاريني پوزموشدور. چادرانين آلتيندا قاپچاق‌لاري برك برك ياپيشيب، اؤزومو ووردوم او يولا:

ـ هله دهليزين پنجره‌لري قالير؟

فهله‌لردن بيري، پارا سيقاريني آياغي آلتينا آتيب ياخينلاشدي:

ـ ياتاغين پنجره‌لريني دَييشندن سونرا، آغا اليميزي آيري شئي‌يه وورماغا قويمادي.

اؤزومو ال آياغيني ايتيرن­لر كيمي گؤستريب، جيبيمدن بير چنگه پول چيخاريب اونلارا دوغرو توتدوم:

ـ باغيشلايين، صاباح اؤزوم ائوده اولاجاغام،‌ گلين ايشي قورتارين...

ادامه نوشته

بیزیم اؤیکو 26. (هاوایا پیله ـدیییمیز فاتیحه لر، رضا کاظمی)

مین بیر گئجه: آشاغیداکی اؤیکو، بیرلیک اؤیرنجی درگیسی­نین دؤردونجو سایی­سیندا چاپ اولموشدور...

***

 

هاوایا پیله­دیییمیز فاتیحه­لر

 

رضا كاظمي 

 

ـ «اورا داها بیز اوچون قوربت دئییل!»، رحمتلیک بؤیوک آتام دئدی.

اونلارين قبيرلري بيزيمكي كيمي دئييل. سيمان بؤلوك‌لريني يان يانا دوزورلر، مثلن اولور قبير. همي ده، تانيش‌لارين باشي اوسته فاتيحه وئره وئره بو باشيندان او باشيناجاق گئديب چيخديغيميز اؤز قبريستان‌لاريميز كيمي دئييل اورا. بهشت زهرا اؤزو اوچون بير شهردير. نئچه نئچه خیياباني وار، بيزيم خیيابان‌لاريميزين تايي يوخ ها، ائله بيل آسفالتيني گئجه‌ينن گتيريب تؤكولوب‌لر‌ اورا. بيري تانیمایان اولسا، هئچ يوز ايله ده تاپا بيلمز اؤز آداميني. بير ده‌نه، ايكي ده‌نه دئييل، بيزيم شهريميزين آدام‌لاري قدَ‌ر قبير داشي وار اوردا. رحمتليك قوتاز بَي‌ين قبري‌نن خاتينين قبري آراسيندا اوچ خيیابان فاصيله وار. خاتيني باسديراندان سونرا، قوتازين دا تورپاغي اوسته گئديب فاتيحه وئرمك ايسته‌ديك، آنجاق هارا گئده‌جك‌ ايديك. دئديلر اونون قبرينی قيز نوه‌سي‌ ياخشي تانیییر. اوزاقدان ياخيندان گلن قوناق‌لارين آراسيندا نه قدَ‌ر اونو گزديك‌سه، گئده‌ني تاپا بيلمه‌ديك. آخيردا، اؤز مشه باياتيميز دئدي، ائله اوزاقدان اوزاغا فاتيحه‌ني اوخويوب هاوايا پيله‌سك، يئل اونو آپاريب يئرينه يئتيره‌ر. بيزسه گؤز ايشله‌ديكجه بير بيري‌نين يانينا دوزولموش قبيرلره باخا باخا حمد سوره‌ني اوخويوب پيله‌ديك...

ادامه نوشته

بیزیم اؤیکو 25. (تر آرخاسیندان هئچ زاد بللی دئییل، رضا کاظمی)

مین بیر گئجه: آشاغیداکی اؤیکو آفتاب آذربایجان درگیسی­نین ایییرمی آلتینجی نؤمره­سینده (مین اوچ­یوز سئکسان یئددینجی ایلین بهمن آییندا) چاپ اولموشدور. ایرانین شمال غربینده مطبوعات دکه­لرینده ساتیلان آفتاب آذربایجان درگیسی تبریزدن یاییملانیر.

***

 

تَر آرخاسیندان هئچ زاد بللی دئییل

 رضا کاظمی

                                                                                 اؤیکوچو حامد احمدی اوچون؛

شاعیر یولداشی­نین اؤلوم خبرینی بیر ده اوخودو. اووجو ترله­میش، سیقاری دا قورتارمیشدی داها. موبایلینی یئره قویوب پئنجه­یینی گئیدی. آیری بیر اس. ام. اس گلدیکده، ائودن ائشییه چیخدی. خیاباندا یاغیش چیله­ییردی. کوچه آغزینداکی دوکاندان بیر پاکات سیقار آلیب بیرینی آلیشدیردی. پولونون قالانینی آلمادی. یولداشی ایندی خیابان اورتاسیندا اوزانمیش، قان آخیردی اوندان. اونون آچیق گؤزلرینه دوشوندو. او اؤلدویو شهرده یاغینتی­لارین چوخ اولدوغونو سؤیله­میشدیلر ساعات اون­دؤرد خبرلرینده...

ادامه نوشته

بیزیم اؤیکو 24. (او آغا قالدیریمدا آغلاییردی، رضا عبدی)

مین بیر گئجه: رضا عبدی (تبریز، ۱۳۶۳). آشاغیداکی اؤیکو اوندان یاییملانان بیرینجی حیکایه­دیر. بو موناسیبته گؤره، اوندان قیسا بیر بیوقرافی ایسته­دیییمده، اؤزونو اوچ دؤرد سطیرله بئله تانیتدیردی: "هر شئی بلکه ده، اون ایل اؤنجه­دن باشلادی. اوندا سیم­لری بیربیرینه ووروب لامپ یاندیرماق، بیرجه باجاردیغیم هونر ساییلیردی. آنجاق لامپ­لار دویغولاریملا دوشونجه­لریمی باشقالارینا گؤسترمکده یاردیمجی اولا بیلمیردیلر... بیر دفتر گؤتوروب یازماغا باشلادیم. هم ایچیم بوشالدی، همی ده آنام بالام درس اوخور دئیه داها قیزمادی منه! دیلیم چوخ چوخ سونرالار آچیلدی. بو شیرین­لییی دفترلریمله پایلاشیب بوتون لاللیغیمدا قازاندیغیم وارلیغیمی ناللادیم گئتدی. ایندی ایسه لامپ یاندیرماقدان سونرا، ناشی قناد اولسام دا، یاوان کاغیذلارا شیره یاخماق ایکینجی باجاریغیم­دیر..."

بیر ژورنالیست کیمی ده، «آفتاب آذربایجان» درگیسینده چالیشان بو یازیچییا ال­لرینه ساغلیق دئیه­رک، یازدیغی اؤیکونو بیرلیکده اوخویوروق...

 

***

 

او آغا قالدیریمدا آغلاییر

 

رضا عبدی

   

قاشلی اوزویو بیر ده الینه گؤتوردو. اؤز بارماغینا بیر آز بؤیوک گلیردی. اونون دا اَلجکلی بارماق­لارینی، تکجه، قارلی بیر قیش گونونده چارشابین آلتیندان چیخیب آیفون دویمه­سینی باسدیغی حالدا گؤرموشدو...

سونرا اوزویو ویترین دالیندان سئودییینده، گؤزلرینی یوموب توتوشدورموشدو اونون بارماق­لارییلا .

قیمتینی سوروشوب، "چوخ باهادیر" ائشیتمیشدی . قورآن آراسیندان ایل سوفته­لرینی، بیر ده آتاسی­نین جیبینی بوشالتمیشدی... اونلار یئنه هیریلداییب "بونونلا ساققیز دا آلا بیلمزسن" دئمیشدیلر...

ادامه نوشته

بیزیم اؤیکو 23. (مینیش، عادل قلی ـپور)

مین بیر گئجه: عادل قلی­پور (اردبیل، ۱۳۶۶). اؤیکو ادبییاتیندا چالیشماسی، ان آزی دؤرد ـ بئش ایل اولار. ایندی­یه کیمی داها چوخ فارسجادا یازمیش، سمنان، اورمو، اردبیل و باشقا شهرلرده کئچیریلمیش آیری ـ آیری ادبی یاریش­لاردا ایسه اؤدول قازانمیش­دیر. آشاغیداکی اثر، اونون آنا دیلینده یازدیغی بیرینجی حیکایه­سی اولسا دا، ساده بیر طرحی چاغداش اؤیکو کیمی سؤیله­دیییندن "مین بیر اؤیکو" فئستیوالیندا تقدیره لاییق گؤرونموش­دور. 

***

 

مينيش

 

عادل قلی­پور

 

بو، آتا مینمه­ییمین ایکینجی دؤنه­سی ایدی. عسگر آتین نوخداسینی یاپیشیب قاباقدا گئدیر. رجب، عسگرین الیندن آلدیغی چیبیغی گؤیده تؤولاییب هردن ده آتین باشینا وورور. اوشاق­لار یاری سوسوب، یاری ایسه های­باغیر سالاراق، آتین، منیم و عسگرین یان­یؤره­سینه فیرلانیرلار. داها قورخو اوره­ییمدن تؤکولوب. من رجب­له قوجاقلاشیب اؤپوشنده، اوشاق­لار بیزه گولدولر. عسگر چیبیقلا بوینومون دالینا چکدي : «ساری بالا! خوش گلیب­سن.» ... 

ادامه نوشته

بیزیم اؤیکو 22. (ساعات آلتیدا دایانمیشدی، آیدین آراز)

مین بیر گئجه: گنج شعریمیزده آیدین آراز تانینمیش بیر آددیر. بورادا آنجاق ـ شعرلری دئییل، ـ ایلک دؤنه اولاراق، اونون بیرینجی اؤیکوسو یاییملانیر. ماراقلی دوروم­لارینا گؤره، آلتی باشقا اثرله بیرگه بو حیکایه­دن  "مین بیر اؤیکو" یاریشیندا تقدیر اولونموشدور. (بسط تاپیب اؤیکونون بوتؤلویونده اَیلشمه­سه ده، آلمانلی ساعاتچییلا باغلی ماجرالار، ماراقلاندیریجی دوروم­لارین بیر اؤرنه­یی­دیر... ) بو اؤیکو، آیدین آرازا بَسله­دیییم مین بیر سایغیملا برابر قارشینیزدادیر. 

***

 

ساعات، آلتیدا دایانمیشدی

آیدین آراز

                                                               

                 "  آتیلا اسکندانی"ـیه

قارانلیق پیلله­لری یئنیب دوکانین آشاغا چکیلمیش کیرکیره­سینی دؤیدو. قوجا گاهدان یاتماغا ائوه گئتمز ایدی. قالاردی دوکانین ایچینده، رادیویا قولاق آسیب سیقار چکردی دالبادال.

ـ "آچ، منم" دئدی امیر.

قوجا اوزون - اینجه بارماق­لارینی مفتیل­لرین آراسینا سالیب کیرکیره­نی چکدی یوخاری. امیر بوینونو آزجا اَییب گیردی دوکانا. سیقار توستوسو دیواردا یانان کیچیجیک چیراغین باشیندا بورولوب فیرلانیردی. دیواردان کؤهنه کؤهنه ایشدن دوشموش ساعات­لار آسلانمیشدی. نئچه­سی ­ده، ایشله­ییردی. تکجه رادیونون سؤنوک اولدوغوندا، عقربه­لرین تیک - تاک سس­لری ائشیدیلردی...

ادامه نوشته

بیزیم اؤیکو 21. (بالاشلی ـلار، محمد صبحدل)

مین بیر گئجه: تحکییه ادبییاتیمیزلا باغلی سایین محمد صبحدل ایله اینترنت اوزره قیسا بیر دانیشیق آپارمیشام. اونون گنجلییینه باخمایاراق، محمد صبحدل حیکایه ادبییاتیمیزین چالیشقان و جیددی یازیچی­لاریندان بیری­دیر. "داستان کوتاه" آنلامیندا، "اؤیکو"ـیه "حیکایه" دئییر و سؤزجوک­لرین اوستونده گئجه گوندوز یورولمادان سنینله دارتیشمایا حاضیردیر. دانیشیق یاییملانمامیشدان اؤنجه، بیزیم اؤیکو بؤلومونه اوندان بیر "حیکایه" ایسته­دیییمده، ـ هله ایشیق اوزو گؤرمه­میش ـ بالاشلي­­لار آدلی حيکايه توپلوسوندان آشاغیداکی اؤیکونو گؤندَردی. بو اؤیکو، ایندی سیزین قارشینیزدادیر...

                                                     ***

 

 

اوچ بارماق

 

محمد صبحدل 

و بو شيديرغي ياغيش ائله خيياوان­لارين قوتور اوزلرينه، تيكينتي­لرين اوجا هئيكل­لرينه، قنوولارين - قالديريم­لارين چاتلاميش جدول­لرينه و بوتونلوكده شهرين پئيسرينه چيرپيب، چالالاردا قالانيب، گؤل اولوب داشماغا باشلادي كي، «احد جاببارزاده» سو داملالاري­نين او پاييز آخشاميندا، تئهران كيمي بؤيوك بير شهرين بوتونلويونو يويوب آپارماق قصد ائله­ديك­لريني ظنن ائتدي. البتته احد جاببارزاده بو ياغيشدان بَترلريني گؤرموشدو. اؤزو ده، تئهران كيمي نهنگ بير شهرده يوخ، ائله «بالاشلي»­نين اؤزونده و بالاشلي كيمي بالاجا بير كندي يويوب آپارا بيلمه­ين ياغيش، بو عظمتده بير يئري نئجه آپارا بيلردي...

ادامه نوشته

بیزیم اؤیکو 21. (بالاشلی ـلار، محمد صبحدل)/ اؤیکونون قالانی

□□□

... ايلك گون­لر تئي چكيب، سوپورمك اوره­ييني سيخسا دا، گئتديكجه، ايشينه ورديش ائديردي و اوتانيب ائله­مه­سي آزاليردي. اونسوز دا، «صباي سبز»ـين آرم­لي پالتاريندا تانينماديغيني، ظنن ائديردي. دؤنه­لرله عسگرليك و يا اؤيرنجي­ليك دوست­لاريني گؤرسه­ ده، اونلار اونو گؤرمه­ميشديلر. قاچاراق، قاپي­لارا يويوروب، آغيزلارينا قدَر جاماعاتدان دولو قاطارلارا تپيلميشديلر. مئترويا گلن­لر، دونيانين ان تَلسن آدام­لاري ايديلار ...

ادامه نوشته

بیزیم اؤیکو 20. (توتماتورا، حامد احمدی)

مین بیر گئجه: مین بیر اؤیکو یاریشیندا بیرینجی یئری قازانمیش حیکایه. حامد احمدی­نین "منی قالدیرین لوطفن!" آدلی او بیری اؤیکوسو ده، بوندان قاباق "بیزیم اؤیکو" بؤلومونده، اون­یئددینجی حیکایه باشلیغی آلتیندا گئتمیش­دیر...

***

 

توتماتورا

حامد احمدی

 

و انّه کانَ رجالٌ من الانس یعوذون برجالٍ من الجن فزادوهُم رهقاً

قرآن کریم، ۷۲-جی سوره، ۶-جی آیه

  

                                     

 ۱.

بؤیوک دده­مین بی­بی­سی عمه­خانیمـدان قالمیش ناغیل­لاردا، اونون توتماتورانی آغلارجا دهلیزده اوتوردوغو حالدا توتماسیندان دئییلمیش. آمما عمه­خانیمی توتماتورانی گؤرن آدام کیمی تانیتدیران بیرجه سند، همن بؤیوک دده­یه منسوب اولان حاج نوروش­ـون قورآن دالینداکی یازی­لار ایدی. نسه جوهر یاییلمیش، خط ائله اوخونمور:" ۱۳۶۵ قمری ذیقعده آیی برابر۱۳۲۵ شمسی، عمه خانیم جین­لردن بیریسینی گؤروب و اونو تسخیر ائتدی. قل اعوذ بربّ الناس."

طبیعی کی، عمه خانیم کندین ماللاسی حاج سید کربلایی­نین یانینا گئتسین. حاج سید کربلایی ده بیر پارا توصیه­لر ائدیب دوعالار ـ دیلک­لر یازمیشدی...

ادامه نوشته

بیزیم اؤیکو 19. (پیشیک باسان، عبدالمجید چاوشیزاده)

مین بیر گئجه: مین بیر اؤیکو یاریشیندا ایکینجی یئری قازانمیش حیکایه. عبدالمجید چاوشی­زاده اورمو (اورومیه) شهری­نین گنج یازیچی­لاریندان بیری­دیر.

***

 

پیشیک باسان

 

عبدالمجید چاوشی­زاده

 

«محمد صبحدل» اوچون

اوچ آیری ائوده اوشاق­لار یوخو گؤروردولر:

حوسئین، بیر بؤیوک پیشییین بیغیندان آسلانمیشدی. پیشیک یاتمیشدی. آمما حوسئین ال چکمیردی. بیغیندان آسلانیردی، یئره دوشوردو، سونرا پیشییین آیاغیندان، بئلیندن باشینا چیخیردی، بیغی­نین تئل­لریندن آسلانیب، یئره دوشوردو یئنه. بیردن پیشییین گؤزلری آچیلدی. توتدو حوسئینی. آتدی آغزینا.

جاواد یوخودان داشلاندی. یوخوسو نه ایدی بیلمیردی. ائشیکدن پیشیک سسی گلیردی. دوردو پنجره­دن آشاغی­یا باخدی. هانسی پیشیک سه اود ایچینده سورعت­له قاچیب یوخ اولدو...

ادامه نوشته

بیزیم اؤیکو 18. (آیاق ایزلری، مرتضا سلمانی)

مین بیر گئجه: مین بیر اؤیکو یاریشیندا اوچونجو یئری قازانمیش حیکایه. مرتضا سلمانی تبریز شهری­نین گنج یازیچی­لاریندان بیری­دیر.

***

 

آياق ايزلري

 

مرتضا سلماني

 

ـ «من سيزين دانيشان ديليزم. هر شئي سيزين اليزده‌دي. منه رأي وئرمك­له، اؤز قان­بيريزي ايش اوستونه چيخاردين. من هئچ يئره گئتمه‌ميشدن اؤز دوغما يئريمه گلميشم...»

خرمنليكده، تراكتورون اوستونه چيخيب دانيشير. آرخاسيندا، قلمه آغاج‌لارين اوستونده بوللو بوللو سئرچه‌لر اوتوروب. كند آدام‌لاري، كيشي­لي ـ آروادلي ييغيشيبديلار. آنام اينجه چَليیينه دايانيب قولاق آسير. كيمسه بير شئي دئمير. يالنيز، هردن، آغاج اوستونده‌كي سئرچه‌لرين بيرليكده قالخيب اوتوردوق­لاريندا، اؤزلرينه مخصوص سس­‌لري ائشيديلير. «عباس» يئنه دانيشير: ـ «من نئچه ايل‌لر اؤز كنديمدن اوزاق، شَهَرده درس اوخوموشام، بلكه دوغولدوغوم يئره خدمت ائلييه‌م. ايندي منيم داياغيم ائليمدي، سيز داليمدا اولساز هئچ قورخوم يوخدو.»

كند آدام‌لاري مادديم مادديم قولاق آسيرلار...

ادامه نوشته

بیزیم اؤیکو 17. (منی قالدیرین لوطفن، حامد احمدی)

مین بیر گئجه: حامد احمدی (تبریز، ۱۳۶۴). تهران عللامه بیلیم­یوردونون بیرلیک آدلی اؤیرنجی درگیسی­نین باش­یازاری­دیر. بوندان داها اؤنَملیسی، ذاتن اؤیکوچودور!

***

 منی قالدیرین لوطفن!

 حامد احمدی

 

گئجه ایدی، قاچیردیم. یاغیش یاغیردی. هارا گئتدیییمی دوشونموردوم. بیر آندا ییخیلدیم. قاچیردیم، قاچماغیمین سببینی سوروشما. هر یئریم سو اولدو. قیزیشدیم. اوچماق حیسسیم وار ایدی، نه اوچون ییخیلدیغیمی بیلمیرم. سانکی اؤلو بیر زاد ایدیم. یاغیش یاغیردی اوستومه. الیمین دریسی سویولموش، شالواریم ایسه جیریلمیشدی. اؤلموشدوممو یوخسا اؤلمکده ایدیم؟ آغرینی حیس ائتمیردیم آخی.

ـ "او نییه اوزانیب یئره؟"، کوچه­دن سوووشان بیری یولداشیندان سوروشدو. اونلارین چتیرلری وار ایدی، قاچمیردیلار دا. گلدیلر باشیم اوسته ـ "گؤره­سن اؤلوب؟" دئیه  او بیری سوروشدو.

یوخ دیری­یم. منی قالدیرین لوطفن...

ـ "بلکه ماشین ووروب... یاخشیسی بودور دایانمایاق." ...

ادامه نوشته

بیزیم اؤیکو 16. (ساعات اون ایکیده کیشی هله ده آغلاییر، آتیلا اسکندانی)

مین بیر گئجه: ایل­لر بویو آوانقارد بیر اؤیکوچو کیمی چالیشدیغیندان، آتیلا اسکندانی اؤزللیک­له تبریزین ادبی چئوره­لرینده تانینمیش بیر آددیر. اونون لاپ یئنی­جه یازدیغی آشاغیداکی اؤیکو، بیرینجی دؤنه اولاراق، مین بیر گئجه­ـدن یاییلیر.

***

 

ساعات اون­ایکیده کیشی هله ده آغلاییر

آتیلا اسکندانی

 ساعات گئجه­نین اون قیرخ­دوققوز دقیقه­سی، تیک... تاک... اوچ ثانیه سونرا، بیر حادیثه باش وئره­جک. قادین، اوشاق­لاری شام یئمه­یه چاغیریر. ایکی ثانیه اؤنجه، ساعات اون اللی دقیقه اولوب. آنا، باخ، مویاد قویچاغیمین ساچ­لایینی یویدو... اوننان نه ایشین وار موراد؟!... کیشی، اوغلووا بیر سؤز دئیه­نمیسن؟!... تیک... تاک... آنا باخ، قویچاغیمین باشی چئچل اویدو... ماجرا باشلانیر. کیشی اوتاقدا ایش­لرینه باخدیغیندا، زامان دایانماییر. زامانین یئرینی هئچ زاد دولدورمایاجاق. قادین، الینی قالدیریر. مطبخ بیچاغی پاریلداییر. اوتاغین ایشیغی چوخالیر. هر شئی، زامانین دوستاغیندادیر... کیشی، چارپایادا ییرغالانیر. چارپایانین جیریلتیسی، قادینین سسییله قاریشیر. سیقار یاندیریر. سیقار توستوسو، قالین بیغ­لاری­ آراسیندان چیخیر. زامان، کاغیذلارا ساری یورویور. آغ کاغیذلارین قارانلیق بوشلوغوندا، نسه بیر حادثه اولمالی­دیر. حوکمن... حوکمن... مثلن جانلی، یان­یؤرَ­لی بیر قادین قارانلیق­ کوچه­ده ایره­لی گلیب، هئلله­نه هئلله­نه گولسون. یوخ... او، اینجه بئل قادین­لارا وورغون ایدی...

ادامه نوشته

بیزیم اؤیکو 15. (بو منم، اؤز قوجاغیمدا، شریف مردی)

 

بو منم، اؤز قوجاغیمدا!

شریف مردی

تزجه کَرپيجدن چيخميش اوچ قات بير تيکينتيده باساماق­لاري (پیلله­لری) ائنيرَم. نه من وارام، نه سن. يئره ائنديیيمده، قارانليق بورويور هر ياني. بير قاپي ... سونرا ايسه او بيريسي... قاپالي قاپي­لار آرديجيل اولاراق، شاققاشاق آچيلير. قارانليق گولور اوزومه. گؤزوم دیکیلیر یئره.

اوزون سوره­لي باساماق­لار. ديش قيجيردير منه کرپيج­لردن باش چيخاران قورداق­لار. آغزي قوخويان قورداق­لارين ديش­لري تؤکولوب، منه گولوشورلر. باش­لاريندا ايسه بؤرک. يوخو بؤرکو! منه ساري باخيب باش توولاديقدا، بؤرک­لري­نين قنتوزو توولانير.

ايته­له­نيرم. آياق باسديقجا، قورداق­لار پيرت پيرت آياغيمين آلتيندا پارتلايير. گؤزلري ايسه سيچراييب ياپيشير قيچيما. ائنديکجه، بؤيويور قيچيما ياپيشان گؤزلر. پيرت ها پيرتين سسي ايسه اوجالير. ييخيليرام. يوخو باسير مني... 

ادامه نوشته

بیزیم اؤیکو 14. (فینجان، علی نوری)

مین بیر گئجه: علی نوری (اردبیل، ۱۳۶۶).  بوندان اؤنجه، یالنیز، شعرلرییله تانینمیش­دیرسا دا، ایندی آنجاق اؤیکو ده یازیر...   

***

 

فينجان

علی نوری

الی ياندي. سيماورين شيريني آز ـ آججا باغلاییب سويون چاينيكده چيپجالانيب سيچيراماسي­نين قاباغيني آلدي. احمد ماركلي نيپتون چاي­لاردان بیرینی چاينيكه آتيب قاپاغینی قويدو. گؤزلريني ميزين اوسته تئللنميش قاب­لارا ساري دولانديردي. قاب يوماق حالي يوخ ايدي هله. چوخ سئودييي ساري فينجاني گؤتوروب ياخالاماق ايسته‌دي. گئجه­دن قالان قهوه شيره قوروموشدو. قيرميزي ايسكاچي شيرين آلتينداكي كاسادا ايسلاديب، اؤوكه‌له‌ييب، كؤپوك‌لنديرندن سونرا فينجاني يودو. سيماوارا ساري قاييديب داليندان بير سيني گؤتوردو. چاينيكي سيني­نين اورتاسينا، فينجانلا قندقابینی دا سيني­نين ساغ طرفینه قويدو. سيني­ني گؤتوروب آشپازخانادان چيخاندا، گؤزلري ظرف­شويونون قاباغيندا پاركئت اوسته داغيلميش ريكالي سويا ساتاشدي...

ادامه نوشته

بیزیم اؤیکو 13 (های کوی سالمایین، نیگار خیاوی)

 

های- کوی سالمایین!

نیگار خیاوی

اريم ايدي، آروادي ايدي، من ايديم. گئتديک بانكا وام گؤتورمه­يه. سورو سورو آدام واریدي اوردا. هاميسی وام گؤتورمه­يه گلميشديلر اورا. اؤنجه تك به تكيمیزین  ايكي آياق  باش بارماغيمیزی سونرا ايكي ال باش بارماغيمیزی آخيردا دا آلينیمیزی  نئچه يول قارا چئرنيله باتيريب اورا بورا باسديرتديرديلار. قانیمیز ، گؤز ياشیمیز و قولتوق تَریمیزدن  ده نمونه آلدیتدیریب باخیب باخیب اييله­یندن سونرا بانک ایشچیلرینین هاميسي بارماغلارينی بورونلارينا سوخوب  اييرنديلر. سودويوموزو، دودويوموزو و پوخ  پوسوروموزون قاتیلیغینی دورولوغونو  اؤلچوب بيچیب سالیب چیخاندان  سونرا بیزی  بولدئزئرنن ايته­لتديرديرديلر ايرلي. صداقت مداقتیمیزین اوریژیناللیغینی صاف صادقانه آفتافالارنان آفت زداليق ائله­يندن سونرا  شرافت مرافتلریمیزی شيريملاتديرتدیلار بیربیرینه.  تپه­دن ديرناغاجان نه­کی واریمیزدان فوتوکوپی چیخاتدیتدیریب آزمايش ائلتديرديرديلر. سونرا اييرمي بارماغیمیزین  اييرميسيندن ده ايرمي يول  امضا آلديرتديرديلار...

ادامه نوشته

بیزیم اؤیکو 12 (لذتلی یول، شریف مردی)

لذتلی یول

شریف مردی

هاوا قارانلیقلاشماسیندایدی. ال­لر جیب­لره سوخولو، یومولو، ائوده قیزیشماق هوسییله یولدان­کئچن­لرین چوخو آیاق­لاری­نین قاباغینا، بلکه ده ائله آیاق­لارینا باخیردیلار. آغاج­لارین بوداق­لاری اوستونده همیشه چیغیر باغیر سالان قوش­لاردان دا سس چیخمیردی او آخشام.

 ساعات آلتی. ایلک گؤروشوموزون واختی یاواش یاواش گلیب چاتیردی. یاغیش آلاچالپازلایاراق، من آددیم­لاریمی آرخایین آرخایین سوروردوم. گئت­گئده اوزومه چیخان آدام­لار آزالیردی.  مئیدانا یئتیشدیم. سویوقدان گؤزلریمدن سو آخیردی داملا داملا. تمدن سسیندن تکجه بیر تابلو سسینی ائشیدیردیم؛ نننیده اووونمایان اوشاق کیمی اؤز لوولوواسیندا جیرهاجیر اوخویوردو. او هله گلمه­میشدی...

ادامه نوشته

بیزیم اؤیکو 11 (بیر من آییق ایدیم، دومان اردم)

مین بیر گئجه: آشاغیداکی اؤیکو، دومان اردم­ـین بیرینجی حئکایه­سی­دیر. اونون اؤیکو یازماسییلا، ادبییاتیمیز اؤیکوچو دومان­ـی قازانمیش­سا دا، قطعن شاعیر دومان­ـینی الدن وئرمه­یه­جک­­دیر! آنجاق بورا کیمی بیر هئچه، اؤیکوچولرین حئسابینا!! 

***

 

بیر من آییق ایدیم

دومان اردم

مطبخدن گلن قاب­قاجاق سسینه اویاندیغیمدا، هله دان یئری سؤکولمه­میشدی. گؤزلریم آغیرلیقدان آچیلمیردی. سانکی گؤوده­مین دؤرد بوجاغیندان یورغان دؤشه­یه میسمارلانمیش ایدیم. نسه، هر گئجه چوخ ایچَنده، سحرین خفیف باش آغریسینی دا نظره آلیردیم، آنجاق او گئجه باشیمی "دیل­آرا"نین پامبیق ممه­لری اوستونه قویوب یاتماغیم، هرنه­یی یاخشیلاتمیشدی. آناملا "دیل­آرا" مطبخده یول حاضیرلیق­لارینی گؤروردولر. آتام قاپی آغزیندا دوروب چوپوغونو ائشیردی. هردن ده، یانیندا چؤمبه­لتمه اوتوروب دیوارا دایانمیش، الینده­کی خوروز شیرنی­سینی ایسه سومورتلایان بالاجا قارداشیم "سولئیمان"ـین تئل­لرینی سیغاللاییردی...

ادامه نوشته

بیزیم اؤیکو 10. (اؤزوموز واریق دااا...، نیگار خیاوی)

مین بیر گئجه: نیگار خانیمین بو اؤیکوسویله باغلی اونونلا قونوشدوغومدا، حئکایه­­نین دیلینه گؤره بیر پارا دانیشیق­لاریمیز اولدو. بونا گؤره سونرالیقدا بلکه ده بیر مطلب یازدیم، آیریجا. هر حالدا، بیزیم اؤیکو ۱۰ باشلیغی آلتیندا گئتسین دئیه حئکایه­سینی اختیاریمدا قویدوغو اوچون نیگار خاتین خیاوی­یه اؤز درین سایغی­لاریمی بسله­یرک، ـ آشاغیداکی اؤیکونو بیرینجی دؤنه اولاراق، ـ مین بیر گئجه­ـدن اؤیکویله ماراقلانان اوخوجولارا سونورام.

***

 

اؤزوموز واریق دااا...

نیگار خیاوی

 

ائودن چیخاندا سحرچاغی گؤزله­دین  "سیبل­جان"  کلیپی­نی  قورتاردي، سورا چیخدين. شالواریوی اوتاقدا گئیيب دویمه­لریوي تلسه تلسه گتیریب "سیبل­جان"ـین قاباغیندا دویمه­لدین. داراغیوی  دا جیبونده گتیریب چاللانمیش ساچ­لاریوی اونون قاباغیندا دارادین. او بیری جیبوندن آتکولون چیخاردیب تزه قیرخدیغین اوزووه، بویون بوغازیوا سپدین. سورا الیوی چکدون بویون بوغازووا. الیوی شالواریوین زیپینه­­جن ائندیردون. کؤینه­ییوین دویمه­لرینی گؤبه­ییوه­جن آچیب تزه­دن دویمه­لدون "سیبل­جان"ـین قاباغیندا. الیوی شالوار جیبیوه سالیب دهلیز قاپی­سینا ساری گئدنده دؤنوب منه باخدون. قاپینی باغلیییب چیخدون. تزه­دن قاپینی آچیب سَسیوه  قایغیلی هاوا وئریب دئدون:

ـ مامان­گیله زادا گئدیسَن آپاریم؟ ...

ادامه نوشته

بیزیم اؤیکو 9. (باش توتمایان رومان، ووقار نعمت)

مین بیر گئجه: بو اؤیکونو ایلک اؤنجه اینترنت اوزره کئچیریلمیش سونای آدلی حیکایه فئستیوالیندا اوخوموشدوم. باش توتمایان رومان اوردا سئچدیییم ایلک بئش اؤیکودن بیری ایدی... نسه، بوردا گئدن بیزیم اؤیکو سیرا حیکایه­لرده بو اثرین اولماماغینا حئییفلیغیم گلدی. اوندان ایجازه آلدیغیمدا اؤیکوسونو اختیاریمدا قویدوغو اوچون، یازیچیسیندان تشککور ائدیرم.

***

 

باش توتمایان رومان

ووقار نعمت

 سوپورلر خیابانی سوپورور. قاپی آغزینا قویولان آشغال­لاری آشغال ماشینینا تولازلاییرلار. پیشیک­لر بیربیر آت­آشغالین ایچیندن چیخیب تیزیخیرلار. پنجره­نی اؤرتوب ماسانین آرخاسینا کئچدی. گئجه یارینی کئچمیشدی.

بیر گنج قادین قاپینی ایته­له­ییر. آچ دئییردی. آچماق ایسته­میردی­ آمما آچدی. گؤزلری قادینین گؤزلرینه ایلیشجک، قالدی. گؤزلرینه قان سیچرامیشدی. بو گئجه گؤزو!... یالنیز چیلپاق بیر قادین!...

قاتار فیت وئردی تونئلده. کیشی باشینی قوجاقلاییب قولاق­لارینی توتوب گؤزلرینی یومدو. قاتار بئینینده سورونوردو هله. قادین ال­لرینی یوخاری قالدیردی. بیر کیشی باشی­دیر ال­لرینده. هله قانی قوروماییب سوزور. ـ «اَریمین باشی­دیر»، دئدی، ـ «گَل آل. گؤردون من اؤلدوره­رم! راحات اولدوق. به­یم یوخ؟!»

ـ «یوخ!... بوندان رومان اولماز»، دئدی یازیچی، ـ «بئله باشلاماق اولماز. یعنی اولار، آمما یاخشی دئییل.» ...

ادامه نوشته

بیزیم اؤیکو 8. (آت ایتی، رضا کاظمی)

آت ايتي

رضا كاظمي

 

   قيز عسكرى يئره چيرپدي. سونرا ورق‌لرى قاباغينا ييغاراق، اوغلانا باخيب گولدو؛ ـ «يئنه اويناييرسان؟»

   اوغلان الينده‏كي‌لرى سپه‏لدى اورتايا، ـ «ياخشى! سن اوددون.»

   ـ «ايندى ايت كيمى اووولدامالي‌سان»، قيز دئدى.

   اوغلان سيقار قوطوسوندان بير گيله چيخاريب آليشديردى.

   ـ «او قدَ‏ر چكيبسن نفسين سيقار اييسى وئرير...»

   اوغلان سيقار داماغيندا ایکن دؤرد ال آياقلى خالچانين اورتاسينا ایمکله­ییب اووولدادى.

   قيز ـ «‌بئله يوخ» دئييب، دؤرد ال آياقلى اوغلانين قاباغیندا داياندي، ـ «بئله!» و باشيني تاوانا ساري توتوب اووولدادى.

   اوغلان يانى اوسته يئره اَيلشدى، ـ «نه فرق ائله‏يير؟» ...

ادامه نوشته

بیزیم اؤیکو 7. (قاپی، رامین جهانگیرزاده)

قاپی

 

رامین جهانگیرزاده

 

اوچ قدم او یانا... !  اوچ قدم بو یانا... ! سحر آچیلینجاق آددیملادی... اوچ نفرین آددیم سسینی ائشیدیب دایاندی. قاپی­یا زیللنرکن، تیتره­دی بدنی. آددیم­لار یاخینلاشدیقجا، بوتون بدنینه قورخو یاییلیردی.

بیر آددیم... ! ایکی آددیم... ! اوچ آددیم... ! بیرینجی قاپی­نین آچیلماسی­نین سسی بئینینه دوشدو.

بیر... ! ایکی... ! اوچ... ! ایکینجی قاپی­نین سسینی ائشیدیب قولاق­لارینی توتدو. گؤزلرینی یوموب سس­سیزجه آغلادی.

بیر... ! ایکی... ! اوچ... ! بیر آن، آددیم­لارین سسی کسیلدی. سونونجو قاپی آچیلدی. اوچ نفر ایچَری کئچدی. گؤزلری گؤزلرینه ساتاشدی. اودقونوب یئرینده­جه قورودو. بیر سؤز دئمه­دن گؤزلری دولدو. سونرا سینه­سینی قاباغا وئره­رک، باشینی دیک ساخلادی. ـ «من حاضیرام، آپارا بیلرسیز!»، دئدی.

بیزیم اؤیکو 6. (یول ـ قار، سلیمان جعفری)

مین بیر گئجه: سایین سلیمان جعفری (تبریز، ۱۳۵۷) ایندی­یه کیمی اول شاعیر، سونرا ایسه چالیشقان بیر ژورنالیست کیمی تانینمیشدیر. او آنجاق، اؤیکو ده یازیر. اونون یول ـ قار آدلی اؤیکوسو ایلک دؤنه اولاراق، مین بیر گئجه­ـدن یاییلدیغینی سئوینجله اوخوجولارا سؤیله­مه­لی­یم. 

***

 

يول- قار

سلیمان جعفری

آيسل قورخا- قورخا ال­لريني ساچ­لارينا سورتدو. یایلیغی­نین آلتیندان چیخمیش ساچلاری­نین اوجو دونموش، بیر آز دا آغیرلیق ائدیردی.کولک آجيمادان اوزونه ووروردو. قیز، اوپ­ اوزون جادده يالقيزجا ایره­لی گئدیردی. بو هاوادا گمی­نین قالخمادیغینی بیلسه ده، یئنه گؤله ساری یورویوردو. باشقا يولو يوخ ، ليمان شهردن داها ياخين ايدي. اؤزونو گؤلون اؤبور الینه چاتدیریب ائوه دؤنملی ایدی. بيليردي ائوده ایندی اونون یولونو گؤزله­ییرلر. دالبادال ساعاتا باخماقدان بئزدی. ساعاتین دویمه­سینی باسیب اونو ایشله­مکدن ساخلادی. داها يورولموشدو. يولون قيراغيندا داياندي. بير ماشین اومیدییله گؤزلريني يولا تيکدي. کولک قار ده­نه­لريني گؤزلرينه ووروردو. گؤز ایشلَتدیکجه یول اوزونوندا بیر زاد گؤره بیلمه­دی. يولدا بير ماشینین ایزي بيله يوخ ايدي. کيم بيلير سون ماشین نئچه ساعات اؤنجه گئتميشدي؟ ...

ادامه نوشته

بیزیم اؤیکو 5 (بیر اوتاقدا بئش قوناق، ایواز طاها)

مین بیر گئجه: بیزیم اؤیکو سیرا حیکایه­لری اوچون دوکتور ایواز طاهادان اؤیکو ایسته­دیییمده، اوستاد ایستی قانلیقلا ـ بو گونه کیمی یاییملامادیغی ـ بیر اثرینی مین بیر گئجه­یه تقدیم ائتدی. اونا درین سایغی­لاریمی بَسله­یرک، اؤیکوسونو بیرلیکده اوخویوروق.

***

 

بير اوتاقدا بئش قوناق

ايواز طاها

 

بوردا بيز بئش آدامیق. آمما سويوموز بير يئره گئتمير. بيزيم بئشيميز ده آيري بير گؤزله پنجره‌يه، چيراغا، چيركلي ديوارا، دؤشه­مه­يه باخير. سيقارئت كؤزويله دليك دئشيك اولموش دؤشه‌مه‌يه. باخيش­لاريميز او قده‌ر دَييشيک­دير كي، ائله بيل هره‌ميز آيري بير گزه‌يندن [سياره‌دن] گليب. منجه، تاوانا بيتيشميش خيرداجا پنجره، ايشيق رمزي­دير. بو گومان منه ائله لذت ائدير كي، اوردا اوچ رديف دوزولموش دمير داراق­لاري دا گؤرمك ايسته‌ميرم. ايکينجي سوروجو پنجره‌ني خوشلامير. دئيير: قيشدا بو پنجره‌دن ايچه‌ري سوخولان سويوق، سومويو اوشودور. گولشچي بيرينجي كز بورا قوناق گلدييینه باخماياراق، اونون سؤزونو اوسته‌له‌يير. بو پنجره‌نين شوشه‌سي يوخدور. اوتاغين اورتاسينداکي ديره‌يين باشينا فيرلانان سوباي كيشي‌نين‌ ده پنجره‌دن زهله‌سي گئدير. تؤوشويه تؤوشويه  دئيير: ...

ادامه نوشته