بیزیم اؤیکو 41. (سیچان، مهدی نظری)

مین بیر گئجه: مهدی نظری (اردبیل، ۱۳۶۰). سوسیولوژی لیسانس­لی­دیر. اردبیلین گنج سینما درنه­یی­نه (انجمن سینمای جوانان­ینا) اؤیه اولاراق، کارگردانلیق مقامیندا «ساندویچ» و «قاب خالی» آدلی ایکی تجروبی قیسا فیلم ایشله­ییب­دیر. قاباق­لار، تئاتر صحنه­­سینه ده چیخارمیش. هر دن ده سناریو یازار. ایندی­یه کیمی، سناریولارینا گؤره بیر نئچه فئستیوالدان اؤدول­لر­ قازانیب­دیر. آزدان چوخدان، تنقید یازماقدا دا اَلی وار. لاپ یئنی ایش­لریندن دئسک، «وحید علیرضایی» باشدا اولاراق، او بیری امکداش­لارلا بیرگه «فرهنگ فیلمفارسی» آدیندا جامع بیر کیتابین حاضیرلانماغیندا اشتیراکی وار. «سیچان» باشلیقلی اؤیکو، اونون یازدیغی ایلک حیکایه­سی­دیر.  

***

 

سیچان

مهدی نظری

 

قیز قاپی­یا زیللَنمیشدی. الینده­کی تیکه­نی کاسایا قایتاریب، گؤزونو قاپیدان گؤتورمه­دن یاواشجا دالا اوتوردو. دوواردان دؤنه دؤنه "تیریپ تیریپ" سسی گلدی. قیزین ـ «وای آنا!» جینگیلتیسی ایله کیشی دیکسینیب، آغزینداکی لوقمادان بوغازینا سیچرادی. آرواد اونون کوره­یینی یوموروقلایاندا، او تایدان دا، اَلینی اوزادیب تله­سیک­جه پارچدان سو گؤتورمک ایسته­ین اوغلان، سویون یاریسینی دا جالادی سوفرایا. آرواد بیر اَلییله لیوانی کیشی­نین قاباغینا توتوب، او بیری اَلییله ایسه اونون کورَیینی یوموروقلا یوموروقلایا، اوزونو قیزا دؤندَریب، ـ «یاریمایاسان! نه اولدی؟!» دئدی.

اوغلان باشی آشاغی، سویو پارچا ییغا ییغا دئدی: ـ «ائله بیل دالدان سیچان کئچدی!»

...

ادامه نوشته

تنقید 33. ("لاپ او اوزاقلاردا" "سربست تنقید"ده، نادر ازهری)

 

«لاپ او اوزاق­لاردا» حیکایه توپلوسویلا باغلی «آفتاب آذربایجان» درگی­سی­نین اَللینجی ساییسیندا گئدن سایین «نادر ازهری» یازدیغی تنقیدی، بوردان اوخوماق اولار:  

http://azergun.com/etc/tenqid_lap_o_uzaqlarda.pdf

 «سربست تنقید»لر سیراسیندان اولان بو یازیدا، یازیچی، اوخوجولارینی «شکیل بیلگیسی» (Morpholpgy) آنلامییلا تانیش ائله­دیکدن سونرا، بیر نئچه اؤیکونو بو چَرچیوده آنالیز ائتمه­یه چالیشیر. 

***

بورا کیمی کیتابیما گؤره یازیلیب اَلیمه چاتمیش تنقیدلری، «مین بیر گئجه»­­نین «تنقید» بؤلوموندن (http://1001gece.blogfa.com/cat-4.aspx) یاییملاماغا چالیشمیشام. البتته آیری آیری نشریه­لرده چاپ اولموش بیر نئچه یازینی دا ـ هله ایندی­یه کیمی ـ اَلده ائده بیلمه­دیییم تنقیدلر ده وار. اونلار دا الیمه چاتسا، بو بیری­لره تای اونلاری دا حتمن اوخویوب، اؤیرَنه بیله­جه­ییم سؤزلری اؤیرَنیب، متن­لرینی ده «مین بیر گئجه»­نین اوخوجولارییلا پایلاشاجاغام. آشاغیداکی تنقیدلری، «مؤوضوع اوزره آرشیو»ین، «تنقید» بؤلوموندن الده ائتمک اولار:  

به بهانه­ی انتشار مجموعه داستان لاپ او اوزاق­لاردا، احمد صیقلی ـ مدرن ادبیاتا دوغرو ۱: «لاپ او اوزاق­لاردا» اؤيكو توپلوسونا بیر باخيش، محمود مهدوي (تنقید ۱) ـ مدرن ادبیاتا دوغرو ۲: «لاپ او اوزاق­لاردا» اؤيكو توپلوسونا بیر باخيش، محمود مهدوي (تنقید ۵) ـ مدرن ادبیاتا دوغرو ۳: «لاپ او اوزاق­لاردا» اؤيكو توپلوسونا بیر باخيش، محمود مهدوي (تنقید ۱۰) ـ ایت مسئله­سی، حامد احمدی (تنقید ۶) ـ قارا باسما ياشام، علی نوری (تنقید ۸) ـ  «اوچ گؤرونتو، بير قارا باسما» اؤيكوسو؛ ايچ مونولوق و ذهن آخيمي، جعفر بزرگ‌امين (يارين) (تنقید ۹) ـ «لاپ او اوزاق­لاردا» کامئرانین کادری ایچینده!، بولود مرادی (تنقید ۱۴) ـ پیروزی بر زمان؛ کتاب «لاپ او اوزاق­لاردا» در نمایی نزدیک، حسن فیضی (تنقید ۱۷) ـ کمی نزدیک­تر؛ نگاهی به مجموعه داستان «لاپ او اوزاق­لاردا»، وحید علیرضایی (تنقید ۱۹) ـ کلیتی تبیینی از مجموعه روایت­های رضا کاظمی، آیدین ضیایی (تنقید ۲۲) ـ «لاپ او اوزاق­لاردا»نین اوچ اؤیکوسونو اوزومه توتاراق؛ اؤلوم مسئله­سی، ربابه قلی­زاده (تنقید ۲۳) ـ هؤرولموش اؤیکو، بیز و کاظمی!؛ نگاهی  کوتاه به داستان کوتاه «هؤرولموش خاطیره­لر، من و آتام» نوشته­ی رضا کاظمی، ابراهیم عادل­نیا (تنقید ۳۰) ـ «لاپ او اوزاق­لاردا» سربست تنقیدده، نادر ازهری (تنقید ۳۳) ـ